Jabuuroolu 126 - Mandinka Bible

Alla be a la moolu murundi la firiŋo kono le

Moolu ka ñiŋ suukuwo le laa, niŋ ì be Alla Batudulaa Buŋo* waliŋ na.

¹ Kabiriŋ Yaawe* ye moolu samba naŋ Siyoni* ka bo mutoo kono, a mulunta m̀ fee le ko, m̀ be siiboo le la.

² Ǹ tuta jele la le, ǹ seewooriŋ baa ye suukuwolu laa. Bituŋ banku koteŋolu moolu ko ñoo ye ko, “Hee, Yaawe ye kuu baalu le ke ì ye.”

³ Tooñaa, Yaawe ye kuu baalu le ke ǹ ye. Ǹ kontaanita le.

⁴ Yaawe, ǹ na firiŋo murundi ǹ kaŋ, komeŋ jiiboroo ka naa wulumbaŋ jaaroolu kono ñaameŋ.

⁵ Moolu mennu ñaajiitoo ye ì la fiifeŋolu fii, ì seewooriŋ baa si katiroo ke.

⁶ Moolu mennu kumbootoo fintita, ì ye ì la fiifeŋ kesoo samba ka a fii, ì be naa muru la le, ì seewooriŋ baa, ka ì la siimaŋ kunsitoolu samba.