Jabuuroolu 100 - Mandinka Bible

Alla tentoo niŋ suukuwo

Tenturulaŋ Jabuuroo.

¹ Duniyaa moolu bee, ali seewooriŋ baa ye suukuwolu laa Yaawe* ye.

² Ali Yaawe batu niŋ seewoo la. Ali niŋ suukuwo ye naa a ñaatiliŋo la.

³ Ali soŋ ko Yaawe le mu Alla ti. Ate le ye ǹ daa, aduŋ a taa le mu ǹ ti. M̀ mu a la moolu le ti, a ka mennu topatoo komeŋ saajii koorewo.

⁴ Ali niŋ jayiroo ye duŋ niŋ a Batudulaa Buŋo* daa la, ali niŋ tenturoo ye duŋ a la luwo to, ali ye a jayi, ali ye a tentu niŋ a too la.

⁵ Kaatu Yaawe beteyaata le, a la kanu bambaloo be tu la le fo abadaa, aduŋ a la tiliŋo be tara la keriŋ ne fo fawu.