Néhémie 7 - Mbeti ti Nzapa - Tënë so amu fini

Néhémie amu azo ti bata gbata ni

¹ So kua ti lekengo gbagba ni ahunzi kue awe, mbi zia ayanga ni daa. Na pekoni, mbi zia azo na kua ti ala oko oko: asanziri, azo ti hengo bia na azo ti mara ti Lévi.

² Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

³ Mbi tene na ala: “Fade a yeke zi ayanga ti gbagba ti gbata ni pepe ngbii lâ asu si. Na lakui, a yeke kanga ni ngbangbangba kozoni si asanziri alondo ti gue. Fade a yeke iri ambeni zo ti Jérusalem ti luti ti bata gbagba ni; ambeni ayeke luti na ndo so a zia ala daa, ambeni ayeke luti na tere ti da ti ala.”

Iri ti azuife so akiri na sese ti Palestine

⁴ Gbata ti Jérusalem akono mingi, me azo so ayeke lango na ya ni ayeke mingi pepe. Ade ti leke ambeni da ni pepe.

⁵ Nzapa ti mbi azia na be ti mbi titene mbi bongbi akota zo, amakonzi na tanga ti azo ni ti diko wungo ti ala. Azo so a alondo na ngbaa na kodro wande si ala kiri ti ala kozoni, mbi wara wungo ti ala na ya ti mbeni buku; ye so a su na ya ti buku ni ayeke so:

⁶ “Nabukodonosor, gbia ti Babilone agbu ando azo si ague na ala na Babilone. Mingi ti azo ni akiri na Jérusalem nga na Juda. Zo oko oko akiri na ya ti gbata ti lo wani.

⁷ Azo so amu azo ni ti kiri na ala ayeke: Zorobabel, Yeshua, Nehemia, Azaria, Raamia, Nahamani, Mordokai, Bileshan, Misperet, Bigvai, Rehum na Baana. Wungo ti akoli ti Israel na lege ti kete mara ti ala ayeke tongaso:

⁸ akoli ti kete mara ti Parosh ayeke 2 172;

⁹ akoli ti kete mara ti Shefatia ayeke 372;

¹⁰ akoli ti kete mara ti Ara ayeke 652;

¹¹ ti azo ti kete mara ti Pahat-Moab, so ti tene *ahale ti Yeshua na ti Yoab, akoli ayeke 2 818;

¹² akoli ti kete mara ti Elam ayeke 1 254;

¹³ akoli ti kete mara ti Zatu ayeke 845;

¹⁴ akoli ti kete mara ti Zakai ayeke 760;

¹⁵ akoli ti kete mara ti Binui ayeke 648;

¹⁶ akoli ti kete mara ti Bebai ayeke 628;

¹⁷ akoli ti kete mara ti Azgad ayeke 2 322;

¹⁸ akoli ti kete mara ti Adonikam ayeke 667;

¹⁹ akoli ti kete mara ti Bigvai ayeke 2 067;

²⁰ akoli ti kete mara ti Adin ayeke 655;

²¹ ti azo ti kete mara ti Ater, so ti tene ahale ti Hizkia, akoli ayeke 98;

²² akoli ti kete mara ti Hashum ayeke 328;

²³ akoli ti kete mara ti Besai ayeke 324;

²⁴ akoli ti kete mara ti Harif ayeke 112;

²⁵ akoli ti kete kodro ti Gabaon ayeke 95;

²⁶ akoli ti akete kodro ti Betlehem na ti Netofa ayeke 188;

²⁷ akoli ti kete kodro ti Anatot ayeke 128;

²⁸ akoli ti kete kodro ti Bet-Azamavet ayeke 42;

²⁹ akoli ti akete kodro ti Kiriat-Yearim, ti Kefira na ti Beerot ayeke 743;

³⁰ akoli ti akete kodro ti Rama na ti Geba ayeke 621;

³¹ akoli ti kete kodro ti Mikmas ayeke 122;

³² akoli ti akete kodro ti Betel na ti Ai ayeke 123;

³³ akoli ti mbeni kodro ti Nebo ayeke 52;

³⁴ akoli ti kete mara ti mbeni Elam ni ayeke 1 254;

³⁵ akoli ti kete mara ti Harim ayeke 320;

³⁶ akoli ti gbata ti Jéricho ayeke 345;

³⁷ akoli ti akete kodro ti Lod, ti Hadid na ti Ono ayeke 721;

³⁸ akoli ti gbata ti Senaa ayeke 3 930.

³⁹ “Awayango-sandaga so akiri ayeke tongaso: akoli ti kete mara ti Yedaya, so ti tene ala ti ahale ti Yeshua, ayeke 973;

⁴⁰ akoli ti kete mara ti Imer ayeke 1 052;

⁴¹ akoli ti kete mara ti Pashehur ayeke 1 247;

⁴² akoli ti kete mara ti Harim ayeke 1 017.

⁴³ “Azo ti mara ti Lévi so akiri ayeke tongaso: akoli ti kete mara ti Yeshua, ti Kadmiel na ti Hodeva ayeke 74.

⁴⁴ “Azo ti hengo bia so akiri ayeke tongaso: akoli ti kete mara ti Asaf ayeke 148.

⁴⁵ “Asanziri so akiri ayeke tongaso: akoli ti akete mara ti Shalum, ti Ater, ti Talmon, ti Akub, ti Hatita na ti Shobai ayeke 138.

⁴⁶ “Azo ti kua ti kota da ti Nzapa so akiri ayeke tongaso: ahale ti Siha, ti Hasufa, ti Tabaot,

⁴⁷ ti Keros, ti Sia, ti Padon,

⁴⁸ ti Lebana, ti Hagaba, ti Shalmai,

⁴⁹ ti Hanan, ti Gidel, ti Gahar,

⁵⁰ ti Reaya, ti Resin, ti Nekoda,

⁵¹ ti Gazam, ti Uza, ti Pasea,

⁵² ti Besai, ti Meunim, ti Nefushesim,

⁵³ ti Bakebuk, ti Hakufa, ti Harur,

⁵⁴ ti Baslit, ti Mehida, ti Harsha,

⁵⁵ ti Barkos, ti Sisra, ti Tema,

⁵⁶ ti Nesia na ti Hatifa.

⁵⁷ “Azo ti ahale ti azo ti kua ti Salomon so akiri ayeke tongaso: ahale ti Sotai, ti Soferet, ti Perida,

⁵⁸ ti Yala, ti Darkon, ti Gidel,

⁵⁹ ti Shefatia, ti Hatil, ti Pokeret-Hasebaim na ti Amon.

⁶⁰ “Ti azo ti kua ti kota da ti Nzapa na ti ahale ti azo ti sarango kua ti Salomon, wungo ti akoli kue ayeke 392.

⁶¹ “Ambeni zo so alondo na Tel-Mela, Tel-Harsha, Kerub-Adon na Imer si akiri; me ala lingbi ti fa tënë mbirimbiri na ndö ti asewa ti akotara ti ala pepe; ala lingbi ti fa nga pepe atene, mara ti ala ayeke biani ti azo ti Israel.

⁶² Wungo ti ala kue ayeke 652 si ala yeke azo ti ahale ti Delaya, ti Tobia na ti Nekoda.

⁶³ “Ambeni wayango-sandaga ayeke nga lani na ya ti oko kpale so: awayango-sandaga ti ahale ti Hobaya, ti Hakos na ti Barzilai. A di iri ti koli so Barzilai, ngbanga ti so lo mu mbeni molenge ti Barzilai, zo ti sese ti Galaad, ti ga wali ti lo.

⁶⁴ Azo ni so agi mbeti so a su iri ti akotara ti ala na ya ni gbaa, ala wara ni pepe. Tongaso a baa ala tongana azo so aga *sioni awe, nilaa a tumba ala na kua ti wayango-sandaga.

⁶⁵ Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

⁶⁶ “Wungo ti bongbi ti azo ti Israel so kue alondo na kodro wande akiri ayeke 42 360.

⁶⁷ Na popo ti ala, azo ti kua ti ala ti koli na ti wali ayeke 7 337; azo ti hengo bia ti koli na ti wali ayeke 245;

⁶⁸ *azambala ayeke 435, alele ayeke 6 720.

⁶⁹ Amakonzi mingi ti asewa amu ambeni ye ndali ti lekengo kota da ti Nzapa. Govoronere amu ale ti lôro 1 000, adu ti sembe 50 so a yeke zia mene ti anyama daa, bongo ti awayango-sandaga 530.

⁷⁰ Amakonzi ti asewa amu ale ti lôro kue 20 000 na kilo ti wen ti nginza 1 100.

⁷¹ Tanga ti azo ti Israel amu ti ala ale ti lôro 20 000, kilo ti wen ti nginza 1 000 na bongo ti awayango-sandaga 67.

⁷² “Awayango-sandaga, azo ti mara ti Lévi, asanziri, azo ti hengo bia na asenge zo, tongana azo ti kua ti kota da ti Nzapa nga na tanga ti azo ti Israel kue aduti na ya ti agbata ti ala.” So nze mbarambara ti ngu ni so alingbi awe, azo ti Israel kue aduti na ya ti agbata ti ala.