Josué 12 - Mbeti ti Nzapa - Tënë so amu fini

Agbia so azo ti Israel ahon ndö ti ala na bira

¹ Azo ti Israel ahon ndö ti agbia use na bira, na To ti ngu ti Jourdain; ala mu asese ti ala, ti londo na ngu ti Arnon ngbii asi na hoto ti Hermon, so ti tene sese ti mbage ti To ti popo-hoto ti Jourdain.

² Kozo gbia ni ayeke Sihon, gbia ti azo ti mara ti Amori, lo yeke lango na Heshebon. Lo yeke le-gbia na ndö ti ndambo ti popo-hoto ti Arnon nga na ti sese ti Galaad, ti londo na Aroer ngbii asi na ngu ti Yabok so ayeke katikati ti kodro ti azo ti mara ti Amon.

³ Sihon ayeke le-gbia nga na ndö ti sese so ayeke na To ti popo-hoto ti Jourdain, sese so ayeke na tere ti kota ngu ti Genezaret, na mbage ti Banga, ague ngbii asi na kota ngu ti Gba-ti-ingo, nduru na Bet-Yeshimot si na mbage ti Mbongo, sese so ayeke na gbe ti hoto ti Pisga.

⁴ Use gbia ni ayeke Og, gbia ti Bashan, lo yeke tanga ti azo ti mara ti Refa so angba; lo yeke lango na Ashetarot nga na Edrei.

⁵ Lo yeke le-gbia na ndö ti sese so ayeke na ndö ti hoto ti Hermon, na ndö ti Salka nga na ndö ti Bashan kue, ngbii asi na katikati ti sese ti azo ti mara ti Geshur na ti azo ti mara ti Maaka; lo yeke le-gbia nga na ndö ti ndambo ti sese ti Galaad ngbii asi na sese ti gbia Sihon, gbia ti Heshebon.

⁶ Moïse, zo ti kua ti *KOTA GBIA, na azo ti Israel ahon ndö ti agbia use so na bira; Moïse amu akodro ni na azo ti mara ti Ruben, azo ti mara ti Gad nga na ndambo ti mara ti Manase titene aga ti ala.

⁷ Na pekoni, Josué na azo ti Israel ahon ndö ti agbia so ayeke na mbage ti Do ti Jourdain na bira. Sese ti ala alondo na Baal-Gad, na popo-hoto ti Liban, na Banga, ague ngbii asi na hoto so iri ni Li-mbombo so ayeke na mbage ti Seir, na Mbongo. Josué amu asese ni na azo ti Israel titene aga ti ala si lo kangbi ni na lege ti amara ti ala.

⁸ Asese ni ayeke sese ti ahoto, *Kodro-ti-gbeni, popo-hoto ti Jourdain, sese so ayeke na tere ti ahoto, sese ti benyama nga na sese ti mbage ti Mbongo. Azo ti mara ti Het, ti Amori, ti Kanaan, ti Perizi, ti Hivi na azo ti mara Yebus laa ayeke lango na ya ni.

⁹ Agbia so Josué ahon ndö ti ala na bira ayeke agbia ti agbata tongana: Jéricho, Ai, so ayeke nduru na Betel,

¹⁰ Jérusalem, Hebron,

¹¹ Yarmut, Lakish,

¹² Eglon, Gezer,

¹³ Debir, Geder,

¹⁴ Horma, Arad,

¹⁵ Libna, Adulam,

¹⁶ Makeda, Betel,

¹⁷ Tapua, Hefer,

¹⁸ Afek, Saron,

¹⁹ Madon, Hasor,

²⁰ Shimron-Meron, Akeshaf,

²¹ Taanak, Megido,

²² Kedesh, Yokneam so ayeke na Karmel,

²³ Dor so ayeke na tere ti ngu, Goim so ayeke na Gilgal,

²⁴ Tirsa. Wungo ti agbia ni kue ayeke baleota na oko.