Awayango-sandaga 15 - Mbeti ti Nzapa - Tënë so amu fini

Ye so ayeke sara si tere ti koli aga sioni

¹ KOTA GBIA atene na Moïse na Aaron:

² Ala tene na azo ti Israel, atene: “Tongana mbeni sioni kobela ayeke yuru na lege ti tere ti mbeni koli, kobela ni asara si koli ni aga *sioni.

³ Ye so ayeke sara si koli aga *sioni ayeke so: kobela ni alingbi ti sigigi na lege ti tere ti lo ti koli, wala alingbi ti kanga lege ti tere ti lo ti koli.

⁴ Gbogbo so kue koli ni alango na ndö ni aga *sioni awe; ye so kue lo duti na ndö ni aga *sioni awe.

⁵ Zo so andu gbogbo so, alingbi lo sukula abongo ti lo; alingbi lo sukula ngu. Lo yeke ngba *sioni ngbii asi na lakui.

⁶ Zo so aduti na ndö ti ye so koli ti kobela ni aduti fade daa, alingbi zo ni asukula abongo ti lo; alingbi lo sukula ngu. Lo yeke ngba *sioni ngbii asi na lakui.

⁷ Zo so andu koli so, alingbi zo ni asukula abongo ti lo; alingbi lo sukula ngu. Lo yeke ngba *sioni ngbii asi na lakui.

⁸ Tongana koli so kobela ni ayeke yuru na lege ti tere ti lo, atuku ngu ti yanga ti lo na tere ti zo so ayeke *nzoni, alingbi zo ni asukula abongo ti lo; alingbi lo sukula ngu. Lo yeke ngba *sioni ngbii asi na lakui.

⁹ Mbata so kue ayeke na ndö ti mbarata si koli ni aduti na ndö ni ti hon na mbeni tambula, mbata ni aga *sioni awe.

¹⁰ Zo so andu ye so koli so aduti fade na ndö ni, zo ni ayeke ga *sioni ngbii asi na lakui. Zo so ayo ye ni so, alingbi lo sukula abongo ti lo; alingbi lo sukula ngu. Lo yeke ngba *sioni ngbii asi na lakui.

¹¹ Koli so kobela ayeke yuru na lege ti tere ti lo so, tongana lo sukula maboko ti lo kozoni pepe si lo ndu tere ti mbeni zo, alingbi zo ni asukula abongo ti lo; alingbi lo sukula ngu. Lo yeke ngba *sioni ngbii asi na lakui.

¹² Ta ti sese so koli ni andu tere ni, alingbi a fâ ya ni. Tongana ayeke ta so a sara na keke, alingbi a sukula ni na gba ti ngu.

¹³ “Tongana kobela so ayeke yuru lani na lege ti tere ti koli so akai awe, titene lo ga *nzoni, alingbi lo ku lango mbarambara si; lo sukula abongo ti lo; lo sukula ngu ti li ti ngu. Na pekoni, lo ga *nzoni awe.

¹⁴ Na lango miombe ni, lo yeke mu *akolokoto use wala *ambipa use; lo yeke gue ti mu ala na wayango-sandaga na dawa ti KOTA GBIA, na yanga ti da ti da ti bongo so KOTA GBIA na azo ti lo ayeke wara tere daa.

¹⁵ Wayango-sandaga ayeke mu mbeni ndeke ni oko na *sandaga ndali ti zingo siokpari na li ti zo ni; mbeni ndeke ni, lo yeke mu na sandaga so a yeke gbi ni kue na wâ. Na pekoni, lo yeke ya aye ni na dawa ti KOTA GBIA titene KOTA GBIA asukula zo ni ndali ti kobela so ayeke yuru na lege ti tere ti lo so.

¹⁶ “Tongana ngu ti tere ti mbeni koli ayuru, alingbi lo sukula tere ti lo kue; lo yeke ngba *sioni ngbii asi na lakui.

¹⁷ Bongo wala ye so kue a sara na poro ti nyama si ngu ti tere ti koli ni ati na ndö ni, alingbi a sukula ni; aye ni ayeke ngba *sioni ngbii asi na lakui.

¹⁸ “Tongana mbeni koli na mbeni wali aduti koli na wali, alingbi ala use kue asukula ngu; ala yeke ngba *sioni ngbii asi na lakui.

Ye so ayeke sara si tere ti wali aga sioni

¹⁹ “Tongana mbeni wali abaa ya ti lo si mene ayeke yuru na tere ti lo, lo yeke ngba *sioni na ya ti lango mbarambara. Zo so andu tere ti lo ayeke ngba *sioni ngbii asi na lakui.

²⁰ Gbogbo so kue wali ni alango na ndö ni na ngoi ti bango ya ti lo, aga *sioni; ye so kue lo duti na ndö ni aga *sioni.

²¹ Zo so kue andu gbogbo ti wali ni, alingbi lo sukula abongo ti lo; alingbi lo sukula ngu. Lo yeke ngba *sioni ngbii asi na lakui.

²² Zo so kue andu ye so wali ni aduti na ndö ni, alingbi lo sukula abongo ti lo; alingbi lo sukula ngu. Lo yeke ngba *sioni ngbii asi na lakui.

²³ Tongana mbeni ye ayeke na ndö ti gbogbo ti wali ni, wala na ndö ti ye so wali ni aduti daa, zo so andu ye ni, lo yeke ngba *sioni ngbii asi na lakui.

²⁴ Tongana mbeni koli aduti na lo koli na wali na ndembe so lo yeke baa ya ti lo, mene ti lo ayuru si andu koli ni, koli ni ayeke ngba *sioni na ya ti lango mbarambara. Gbogbo so kue koli ni ayeke lango na ndö ni ayeke ga *sioni.

²⁵ “Tongana mene ayuru na tere ti wali na ya ti lango mingi, na mbeni lango nde so ayeke lango ti bango ya ti lo pepe, wala mene ni ayuru na tere ti lo ahon lango so lo yeke baa ka na ya ti lo, lo yeke ga *sioni na ngoi so kue mene ni angba ti yuru na tere ti lo.

²⁶ Tongana mene ni angba ti yuru na tere ti lo, gbogbo so kue lo lango na ndö ni na ye so kue lo duti na ndö ni ayeke ga *sioni tongana ti ngoi ti bango ya ti lo.

²⁷ Zo so kue andu aye ni so, lo yeke ga *sioni. Alingbi lo sukula abongo ti lo; alingbi lo sukula ngu. Lo yeke ngba *sioni ngbii asi na lakui.

²⁸ “Tongana mene ti lo ni akai ti yuru awe, lo yeke ku lango mbarambara na pekoni titene lo kiri lo ga *nzoni.

²⁹ Na lango miombe ni, lo yeke mu *akolokoto use wala *ambipa use; lo yeke gue ti mu ala na wayango-sandaga, na yanga ti da ti bongo so KOTA GBIA na azo ti lo ayeke wara tere daa.

³⁰ Wayango-sandaga ayeke mu mbeni ndeke ni oko na *sandaga ndali ti zingo siokpari na li ti wali ni; mbeni ndeke ni, lo yeke mu na sandaga so a yeke gbi ni kue na wâ. Wayango-sandaga ayeke sara aye so kue na tere ti wali ni na dawa ti KOTA GBIA titene lo *sukula asioni ti lo ndali ti mene so ayuru na tere ti lo.

³¹ “Moïse, mo na Aaron, fade ala yeke tene na azo ti Israel: na ndembe so ala ga *sioni awe, ayeke nzoni ala duti yamba na tere ti ndo so ayeke nde si ayeke nzoni kue. Tongaso si ala kui pepe ndali ti so ala sara si da ti mbi aga *sioni; so ti tene da ti mbi so ayeke na popo ti ala so.”

³² So ayeke ndia ndali ti zo so mbeni sioni kobela ayeke yuru na lege ti tere ti lo, zo so ngu ti tere ti lo ti koli ayeke yuru, asara si lo ga *sioni.

³³ Ndia so ayeke nga ndali ti wali so abaa ya ti lo, nga ndali ti wali so mene ayeke yuru na ti tere ti lo; ndia ni ayeke nga ndali ti koli so alango na wali so aga *sioni awe.