Abia (Psaumes) 54 - Mbeti ti Nzapa - Tënë so amu fini

Nzapa ti mbi, mo soo mbi!

¹ Bia so ayeke ndali ti makonzi-bia. A he ni na kundi. Bia ti fango ye na zo; bia ti David.

² David ahe bia so na ndembe so azo ti Zif aga atene na Saul, atene: “David ahonde tere ti lo na ndo ti e”.

³ Nzapa, soo mbi ndali ti iri ti mo; na lege ti ngangu ti mo, fâ ngbanga ti mbi.

⁴ Nzapa, ma sambela ti mbi; zi mê ti mo, mo ma atënë so mbi yeke tene.

⁵ Awande alondo ti tiri na mbi; azo ti sarango ngangu na azo aye gi kuâ ti mbi; na le ti ala, Nzapa ayeke ye oko pepe. Luti kete

⁶ Baa, Nzapa ayeke mu na mbi maboko, Kota Gbia ayeke na azo so agbu mbi si mbi luti na nduzu.

⁷ Ayeke nzoni lo kiri sioni na azo so ahonde tere ti ala ti sara sioni na mbi so. Na lege ti nzoni be ti mo, mo hunzi ala kue.

⁸ Na be ti mbi wani, fade mbi yeke mu na mo *sandaga; mbi yeke mu singila na mo *KOTA GBIA ndali ti so mo yeke nzoni.

⁹ Mo zi mbi na ya ti aye ti ngangu kue awe; fadeso mbi yeke baa tingo ti awato ti mbi.