1 Mbai 4 - Mbeti ti Nzapa - Tënë so amu fini

Ambeni hale ti Juda

¹ *Ahale ti Juda ayeke Peres, Hesron, Karmi, Hur na Shobal.

² Reaya, molenge ti Shobal, adu Yahat, Yahat adu Ahumai na Lahad. Ala yeke akotara ti kete mara ti Sora.

³ So ayeke ahale ti babâ ti Etam: Yizreel, Ishema na Idbash; ita ti ala ti wali ayeke Haslelponi.

⁴ Penuel, so asara si gbata ti Gedor abaa gigi nga na Ezer, so asara si gbata ti Husha abaa gigi. Ala laa ayeke amolenge ti Hur; Hur ayeke kozo molenge ti Efrata. Hur laa asara si gbata ti Betlehem abaa gigi.

⁵ Ashehur, so asara si gbata ti Tekoa abaa gigi amu awali use: Hela na Naara.

⁶ Naara adu na lo amolenge osio: Ahuzam, Hefer, Temni na Ahashetari.

⁷ Hela adu na lo amolenge ota: Seret, Sohar na Etnan.

⁸ Kos adu Anub, Sobeba na kotara ti kete mara ti Aharehel, molenge ti Harum.

⁹ Yabes ayeke mbeni koli so azo ane lo mingi ahon a-ita ti lo. Mama ti lo abaa pasi mingi na dungo lo, nilaa lo di iri ti lo Yabes.

¹⁰ Yabes asambela Nzapa ti Israel, atene: “Ayeke nzoni mo sara tufa na ndö ti mbi, mo sara si le ti sese ti mbi akiri akono mingi, mo zia maboko ti mo na ndö ti mbi ti bata mbi, mo sara si akpale na pasi ahon yongoro na tere ti mbi!” Nzapa amu na lo ye so lo hunda.

¹¹ Kelub, ita ti Shuha adu Mehir; Mehir adu Esheton,

¹² Esheton ayeke babâ ti Bet-Rafa, ti Pasea na ti Tehina. Tehina laa asara si gbata ti Nahash abaa gigi. Ahale ti ala alango na kodro ti Reka.

¹³ Amolenge ti Kenaz ayeke Otniel na Seraya. Amolenge ti Otniel ayeke Hatat na Meonotai.

¹⁴ Meonotai adu Ofra. Seraya adu Yoab, kotara ti azo ti sarango ye na kode so ayeke lango na popo-hoto ti Awakode-kua.

¹⁵ Amolenge ti Kaleb, molenge ti Yefune ayeke Iru, Ela na Naam. Kenaz ayeke molenge ti Ela.

¹⁶ Amolenge ti Yehalelel ayeke Zif, Zifa, Tiria na Asarel.

^17-18 Amolenge ti Ezra ayeke Yeter, Mered, Efer na Yalon. Mered amu molenge ti gbia ti Ezipte ti ga wali ti lo; iri ti lo ayeke Bitia. Bitia adu Miriam, Shamai na Isheba. Isheba laa asara si gbata ti Eshtemoa abaa gigi. Mered ayeke nga na mbeni wali ti mara ti Juda. Wali ni adu na lo Yered, so asara si gbata ti Gedor abaa gigi, Heber, so asara si gbata ti Soko abaa gigi nga na Yekutiel, so asara si gbata ti Zanoa abaa gigi.

¹⁹ Hodia amu ita ti Naham ti ga wali ti lo. Ahale ti ala ayeke azo ti kete mara ti Garmi so alango na Keila, ala na azo ti kete mara ti Maakati so alango na Eshtemoa.

²⁰ Amolenge ti Shimon ayeke Amnon, Rina, Ben-Hanan na Tilon. Ahale ti Ishei ayeke Zohet na molenge ti lo.

²¹ Ahale ti Shela, molenge ti Juda ayeke Er, so asara si gbata ti Leka abaa gigi, Lada, so asara si gbata ti Maresha abaa gigi nga na azo ti akete mara so ayeke sara apendere bongo ti *len, na kodro ti Bet-Ashebea.

²² Shela ayeke nga kotara ti Yokim, ti azo ti Kozeba, ti Yoash nga na ti Saraf. Yoash na Saraf amu awali ti kodro ti Moab ti ga awali ti ala. Na pekoni, ala kiri aduti na kodro ti Lehem. – Aye ni so aninga mingi awe. –

²³ Ahale ti ala ayeke azo ti sarango ata ti sese; ala yeke lango na tere ti ayaka nga na ando so a sara gbagba na tere ni. Kâ, ala yeke lango nduru na gbia si ala yeke sara kua na lo.

Ahale ti Siméon

²⁴ Amolenge ti Siméon ayeke Nemuel, Yamin, Yarib, Zera na Shaul.

²⁵ Molenge ti Shaul ayeke Shalum, molenge Shalum ayeke Mibsam, molenge ti Mibsam ayeke Mishema.

²⁶ Molenge ti Mishema ayeke Hamuel, molenge ti Hamuel ayeke Zakur, molenge ti Zakur ayeke Shimei.

²⁷ Shimei adu amolenge-koli baleoko na omene na amolenge-wali omene. Me ambeni kota zo ti ya ti mara ti lo adu amolenge mingi pepe. Ndani laa akete mara ti Siméon ayeke mingi pepe, akete mara ti Juda laa ayeke mingi.

²⁸ Ala yeke lango lani na ya ti akodro ti Bersheba, ti Molada, ti Hasar-Shual;

²⁹ ti Bila, ti Esem, ti Tolad,

³⁰ ti Betuel, ti Horma, ti Siklag,

³¹ ti Bet-Markabot, ti Hasar-Susim, ti Bet-Biri na ti Shaaraim. So ayeke agbata ti ala laa, ngbii asi na ngoi ti lengo-gbia ti David.

³² Ala yeke lango nga lani na ya ti agbata ti Etam, ti Ain, ti Rimon, ti Token nga na ti Ashan;

³³ ala yeke lango nga na ya ti akete kodro so ayeke na tere ni ngbii asi na Baalat. So ayeke iri ti akodro so ala lango daa laa. A su iri ti azo ni kue na mbeti na lege ti molongo ti dungo ala.

³⁴ Meshobab, Yamlek, Yosha, molenge ti Amasia,

³⁵ Joël, Yehu, molenge ti Yoshibia, molenge ti Seraya, molenge ti Asiel,

³⁶ Eliohenai, Yakoba, Yeshohaya, Asaya, Adiel, Yesimiel, Benaya,

³⁷ Ziza, molenge ti Shifei, molenge ti Alon, molenge ti Yedaya, molenge ti Shimri, molenge ti Shemaya;

³⁸ azo so a di iri ti ala so ayeke amakonzi ti akete mara ti Siméon; asewa ti ala awu mingi.

³⁹ Ala gue ngbii ala si na yanga ti kodro ti Gedor, na To ti popo-hoto ti gi pere ndali ti ataba ti ala.

⁴⁰ Kâ, ala wara nzoni fini pere, sese ni akono si ayeke na siriri. Ando, ahale ti Kam laa alango kâ.

⁴¹ Na ngoi ti Ezekias, gbia ti Juda, amakonzi so a di iri ti ala so asi na sese ni, ala buba ada ti bongo na agbefa ti ahale ti Kam. Ala fâ azo ti sese ni kue, mbeni zo oko angba na fini pepe ngbii asi laso. Ala mu ndo ti azo ni aduti daa, ngbanga ti so nzoni pere ayeke daa ndali ti ataba ti ala.

⁴² Ambeni zo ti mara ti Siméon, so wungo ti ala kue ayeke ngbangbo oku, ague na sese ti ahoto ti Edom. Azo so ayeke na li ti ala ti gue na ala ayeke amolenge ti Ishei: Pelatia, Nearia, Refaya na Uziel.

⁴³ Ala fâ tanga ti azo ti mara ti Amalek so akpe, ala sara kodro kâ ngbii asi laso.