Bìoball air-loidhne

Ètsə 9 - Mundani

Èsɔndɨk lu è wù le tetà̧â̧ la

¹ We batà̧â̧ ane bɔntu̧ Mbɔ̧ɔ̧mà bu tɔ è li ne èsɔndɨk, e ndze kěnto̧ ko ke lɔ̀Ꞌɔ a ègwet nkwen a sitsǎꞋ. Bɔ ŋa nkȩ̀ȩ̀te ètsələèꞋ èbɨ kà ye ndìa abua tò.

² Tà tsɔ̀Ꞌɔ̀ ètsələèꞋ èbɨ lu, ndiꞋtsə te me kɔꞋɔ a ètsəê və mbɨ̀Ꞌɨ̀ ndiꞋte àtsəꞋa èwet. NdiꞋte mbɔŋ te kɔꞋ mbùùle ègwet nè àtaãnyèm.

³ Ngù̧ù̧metsə te dzə a èbem ndiꞋ tu nkɨ̀Ꞌɨ̂ a sitsǎꞋ. Bɔ ŋa wɔb mètàŋ a sitsǎꞋ mbɨ̀Ꞌɨ̀ mètàŋ ànkàfuŋ.

⁴ È shu abua yɔb nê, bɔ̀ kà ntsòkè mèfəèꞋ, kò èyɨt, kò àghɨa ko tsa àa ntsəa a sitsǎꞋ la leꞋ. Bɔ li mbɔ ndɨ bɔ̀ɔ zi àlɔꞋ wuê ane bòt bu kà bɔ àlȩê a Mbɔ̧ɔ̧mà a mèsi mɔb la.

⁵ Bɔ li ŋa wɔb mètàŋ nê bɔ ghɨ̧̀ɨ̧̀ne bòt mbɔŋ ane èŋu yetà̧â̧, ka bɔ̀ ka mbùŋè àwɔb. NgoꞋ mbɔŋ nàa me saa awɔb wuê mbɨ̀Ꞌɨ̀ ndɨ ànkàfuŋ àa ngɨ̀ a lu̧ wòt a wu la.

⁶ Bòt aa li me tsaãaã èvə ane èli mbɔŋ, ka bɔ̀ ka wu ye. Bɔɔ li me kɨ epfə, ka èvə è bɔ̂ ngu elùùlà wɔb.

⁷ Ngù̧ù̧me tu te li ngu mbɨ̀Ꞌɨ̀ bèloà bɔ taŋkè enɨ ghǎ èbet la. Èghɨ ko e li ngu àtsə bɔb mbɨ̀Ꞌɨ̀ ntà̧à̧te kèfɔ̧̀ bɔ nɨa goêl ngɨ̀ la, mèsi mɔb mè fəèəè mèsi bɔbȩ.

⁸ Nyemtetsə tɔb te li ngua sààtà mbɨ̀Ꞌɨ̀ nyemtetsə bèzi, àsɔŋ yɔb a mè me tɔɔ mbɨ̀Ꞌɨ̀ àsɔŋ sambàŋ.

⁹ Bɔ li nkàbte bèghèmnà bɔb ane èghɨ ko àa mbɨ̀Ꞌɨ̀ àtɨ̧ɨ̧na la, tèbaabè tɔb te mè me jùꞋu mbɨ̀Ꞌɨ̀ bèmatùà bu bèloà àa səèà la, bɔ nɨŋ me lùùla ngà èbet la.

¹⁰ Bɔ bɔ tèku̧tsə mbɨ̀Ꞌɨ̀ ènkàfuŋ, mè me te mbɨ̀Ꞌɨ̀ ndɨ ànkàfuŋ àa ngɨ̀ à lu̧ wòt a wu la. Mètàŋ mu bɔ li ngua nɨa ngɨ̧̀ɨ̧̀nà bòt ane èŋu yetà̧â̧ la, li ndzəè ane tèku̧ tɔb.

¹¹ Fɔ̧̀ ènkàfuŋ mbɔŋ li ngu wantu̧ wu tà wu àtsəa èbɨ lu kà ye ndìa la. Èlen tò ane ndɨ̧ Ebùlù wu Abadòn, ane ndɨ̧ Glɨ̂k wu Apoliyɔ̀n.

¹² NgoꞋ kèkweelè mbì è tsè, è mè ntsìꞋi ngoꞋte kekweelè tebe tèa kɨꞋɨ la.

Èsɔndɨk le tentùa

¹³ We bantùa ane bɔntu̧ Mbɔ̧ɔ̧mà bu è tɔ è li ne èsɔŋ. Tà tɔ ale e ndzə àtɔŋ ko a dzə a bètɔ̀Ꞌà bu bakwì adù̧ àdziꞋ yu a tɨ̧ɨ̧ e mbì Mbɔ̧ɔ̧mà bɔ ghɨ ane goêl la.

¹⁴ Àtɔŋ mbɔŋ a li shu abua we bantùa wu ane bɔntu̧ bu, tà li mbɔ èsɔndɨk lu la nê, “Tsì bɔntu̧ bu bakwì bɔ li nkȩ̀ àwɔb àdziꞋ yu èdzî nɨ̧ Yuflètìs è wu la.”

¹⁵ Ale, bɔ tsì bɔntu̧ bu bakwì bɔ li nɔ̀ŋè àwɔb me chɨ̀Ꞌɨ àfɨ̀Ꞌ yaa, ane àli yaa, ane èŋu waa, a èbem èngùꞋebȩ waa la. Bɔ li ntsì àwɔb mbɨ̀Ꞌɨ̀ bɔɔ gha bùŋè àbâ yeamɔꞋ ane bɔbȩ bàgème bɔ ghàbte ane èdzìꞋ betat la.

¹⁶ Bɔ li nê, kèmpà̧ bèshujà bu a ègwet bèloà la wu bèmìlèyɔ̀ŋ ènkɨ̀ yebe.

¹⁷ Ye ndɨ e ndi ndzèa àtsə, ndze bèloà nè bòt a ègwet la. Bòt bu a ègwet bèloà ngaa la, e kwaãaã ètɨ̧ɨ̧na ko bɔ̀ɔ nɨa nkàba bèghèmnà ngà a èbet la, e me beꞋe mbɨ̀Ꞌɨ̀ èwet mè mbɔ kolɔ̀ èwuu èti ko mbɨ̀Ꞌɨ̀ ègwet, mè nè èwuu è le ko kolɔ̀ nàà mbɨꞋɨ̀ àkèndȩ̀mbaŋ la. Ètsə bèloà nga e li ngu mbɨ̀Ꞌɨ̀ ètsə bèsambàŋ, èwet nè ndiꞋtsə mè nè àghaa èkem a me dzəâ a mètsəê mɔb.

¹⁸ ÈbɨꞋte ngoꞋ tàa tetat la, te li mbùŋè àbâ yeamɔꞋ ane bɔbȩ bàgème bɔ ghàbtè ane èdzìꞋ betat la. NgoꞋte mbɔŋ wu èwet nè ndiꞋ tu mè nè àghaa èkem wu è li ndzəè a ètsəê bèloà bu la.

¹⁹ Mètàŋ bèloà mbɔŋ li ngu a mètsəê mɔb nè tèku̧ tɔb. Tèku̧ tɔb te li ngu mbɨ̀Ꞌɨ̀ nyaãtekàbɔ̀ŋ nè ètsə. Wu tèku̧u̧te ngaa bɔ li ngua nɨa ndzìà èlɔꞋ ane bòt la.

²⁰ ÀbəꞋa bɔbȩ ngoꞋte kekweelè tàa te li tè ka buŋè àwɔb la, a li ntu̧ kubte. Bɔ li mbèla nkùkta wuê fote kàbɔ̀ŋ, nè bènàmbəa bɔ ghɨ ane goêl nè silbà nè àti mè nè èyɨt, è wu èghɨ àa ka ye èdziꞋ, è ka wua ndzəa èdziꞋ, è ka meè ngua ngȩ̀ȩ̀nà la.

²¹ Bɔ li bɔ̀ ka meè nkùbte mèntɨ̧ɨ̧ mɔb a màmbuŋa bòt, nè mànduta tèkaŋ, nè màmpaꞋta àbɨ̧, ndɔ̀Ꞌ nè màntsɔ.

« Roimhe

Air adhart »

Lean sinn:

Ceanglaichean taic

Sanasan