Bìoball air-loidhne

Ètsə 8 - Mundani

Àmènà yu è wù àyea besà̧à̧mbe la

¹ AfɨꞋa Wanjɨ̀ wu nà̧à̧nè àdziꞋa àmènà yu è wù àyea besà̧à̧mbe la, èdziꞋ e bê nkwen a ègwet kwèe ane àbâ nyèm yemɔ̀Ꞌ.

² AfɨꞋa mbɔŋ e ndze bɔntu̧ Mbɔ̧ɔ̧mà bu basà̧à̧mbe bèa ntɨ̧̀ɨ̧̀ta a mbì tò la, bɔ ŋa tèsɔnkendɨk tesà̧à̧mbe abua yɔb.

³ Wantu̧ Mbɔ̧ɔ̧mà kǒ kɨꞋɨ ntɨ̧ àdziꞋ yu bɔ̀ɔ ntò̧à banyà̧ ŋa abua Mbɔ̧ɔ̧mà la. Tà li mbèà èpfəèꞋ ko bɔ ghɨ ane goêl la àbu azi. Bɔ ŋa mèwet kǒ nàa nəèꞋa mbɔ̀ la nyaŋ abua tò, nê tà nɨŋ nkwèꞋnè ane àtsaꞋta bòt Mbɔ̧ɔ̧mà, ntò̧ adzìꞋ yu bɔ ghɨ ane goêl, à wu a mbìa àtɨ̧a kèfɔ̧̀ a Mbɔ̧ɔ̧mà la.

⁴ NdiꞋi mèwet mu a èbem àghɨa yu àbu wantu̧ Mbɔ̧ɔ̧mà wu la me fɔte nè àtsaꞋta bòt Mbɔ̧ɔ̧mà yu nkɔꞋɔ ngà a ègwet a mbì Mbɔ̧ɔ̧mà.

⁵ Wantu̧ Mbɔ̧ɔ̧mà wu ghɨ̀ ale, nɨ èwet àdzìꞋ yu bɔ̀ɔ nɔ̀ŋè mèwet mu nàà nəèꞋa mbɔ̀ la, ndzì a èbem èpfəꞋ lu àbu azi la, mbɔ̂ maꞋa sitsǎꞋ. Tà màꞋà ale, èfâŋ e gwet, e ndzə ètɔŋ ko, èdziꞋ e kàꞋ, sitsǎꞋ mè bèntê.

Tèsɔnkendɨk tu tesà̧à̧mbe la

⁶ AfɨꞋa mbɔŋ bɔntu̧ Mbɔ̧ɔ̧mà bu basà̧à̧mbe bɔ bèà tèsɔnkendɨk tu tesà̧à̧mbe la, e taŋkè a màntɔ.

⁷ Wantu̧ mbì è tɔ è li nê èsɔŋ, bɔ màꞋà èwèt nè èwet e fɔte nè àlo̧ la a sitsǎꞋ, èyɨt e shɨà, mèfəèꞋ ègème ghòꞋ. Bɔ ghàbtè sitsǎꞋ ane èbâ betat, ko wu àdziꞋ yeamɔꞋ ane èghɨ mbɔŋ a ghòꞋò la.

⁸ We babe ane bɔntu̧ Mbɔ̧ɔ̧mà bu tɔ è li nê èsɔŋ, bɔ màꞋà àghɨa ko mbɨ̀Ꞌɨ̀ tàꞋà èbȩ èwet àa nkòòla adù̧ la a èbem *èdzî.

⁹ A ghɨ̀ ale, àdziꞋ yeamɔꞋ a tsiꞋi àlo̧ ane mèleb mu bɔ ghàbte ane èbâ betat la. Àbâ yeamɔꞋ ane èghɨ yu̧ a èbem mèleb bɔ ghàbte ane èdziꞋ betat la, a pfəꞋtè, àbâ yeamɔꞋ ane ènkànuꞋ bɔ ghàbte ane èdzìꞋ betat la a bɨ.

¹⁰ We betat ane bɔntu̧ Mbɔ̧ɔ̧mà bu tɔ è li ne èsɔŋ, taꞋà kěnto̧ ko kèa nkòòla mbɨ̀Ꞌɨ̀ àkaꞋambȩ̀ la, ke lɔ̀Ꞌɔ a ègwelebuule nkwèn a si adù̧ àbâ yeamɔꞋ ane mèdzî nè badzìꞋ bɔ ghàbte ane èdzìꞋ betat la.

¹¹ Èlen kěnto̧ mbɔŋ wu, “Àghɨa àa ndìà la.” Àbâ yeamɔꞋ ane mèleb mu bɔ ghàbte ane èdzìꞋ betat la, a me lǐ. Bòt nyaŋ e pfəꞋtè nkàà ndɨ bɔ nu mèleb mu nàa ndìà la.

¹² We bakwì ane bɔntu̧ Mbɔ̧ɔ̧mà bu tɔ è li ne èsɔŋ. Tà tɔ ale àghɨa ko a tsòkè àbâ yeamɔꞋ ane àtaãnyèm bɔ ghàbte ane èbâ betat, nè àbâ yeamɔꞋ ane èŋu bɔ ghàbte ane èbâ betat la, mè nè àbâ yeamɔꞋ ane těnto̧tsə bɔ ghàbte ane èbâ betat la. A ghɨ̀ ale, àbâ yeamɔꞋ ane mèkàꞋà mɔb a lemà, è wu àbâ yeamɔꞋ ane èbâ betat la. Bɔ ghàbte nèngû̧ bɔ̂ ètsəꞋ ane èbâ betat, èkaꞋà è ka tsi ngu ane àbâ yeamɔꞋ.

¹³ E ndȩ̀ me ye ndzě èfaã ndèa a ègwet, me zə e me ŋȩ shua nê, “A bɨ ɔɔ̀! A bɨ ɔɔ̀! Aa bɨ àbâ bòt bu bɔ̀ɔ ntsèka a sitsǎꞋ la, àfɨꞋa bɔ̀ɔ zə tèsɔnkendɨk tu, bɔntu̧ Mbɔ̧ɔ̧mà ko bu batat la àa tɔ la.”

« Roimhe

Air adhart »

Lean sinn:

Ceanglaichean taic

Sanasan