Sam 98 - Madak

Moroa Ni Lamgomgo At Lavatbung Menemen

¹ Mina vixan toxompixan maxat ti Leeme Silok; neni gara lok pam lempanga maraanu! Neni gara sak tup mi lavamunepen teren mi lolos kaala axa ren.

² Leeme Silok ga vaase asu i do ni ga sak tup mi lavamunepen teren; la neni ga vaase aronga larabung mixin axap mi mo lolos teren ti lox asepmus limixin.

³ Neni ga lox epovo laxakaape ren ti limixin me Israel la i ruturun amisik tidi la ik lox asuusu labalamu lexen tidi. Limixin axap at lengkot axap digara ven pam ne Moroa atnedi ga sak tup mi lavamunepen teren.

⁴ Lavatbung menemen axap, minak pixan sosoro ri Leeme Silok. Mina emi asu rin mi lempixan la luxupkup sosoro!

⁵ Minak pixan mi lengkompixan emi asu ri Leeme Silok! Minak sak lerengteng maraanu ro at lempat taaleng!

⁶ Minat mas lempat tu mi lengkong kidi, la minap kup mi lososoro ri Leeme Silok, ni Loorong Silok atdik.

⁷ Laras eburu mi lempanga dik lok keneng taram, mina vaas mi luxupkup; lavatbung menemen mi lempanga axap dik lok mavana ram, minak pixan!

⁸ Laradan sen, mina pasa leventingen nimi; nemi lengkongkaana, minak pixan eburu mi lososoro at lemeren Leeme Silok,

⁹ atla i vot kusu nam gomgonga lavatbung menemen. Neni nabam gomgonga limixin at lavatbung menemen mi lodoxoma mokmokso la levelinga ruturun.