Sam 93 - Madak

Moroa Ni Loorong Silok

¹ Leeme Silok ni Loorong Silok. Neni i ruuna laasen silok la lolos. La lavatbung menemen mo it kis atmatkun at loxot teren la ixo epovo ri repes meeve.

² O Leeme Silok, lixitkis taram ngan Loorong Silok ga tu tuxuruxun ka axa at lurutu kaxat, la nenu uga rooro avot ti levenaleng ga ru kaxat.

³ O Leeme Silok, laaknuxup silok ip tava su boro xopok tubu at laras main; dik lox areng silok lengkaka atnedi mi laaknuxup silok.

⁴ Leeme Silok it kis amgomgo toxun pana at laxalibet, la lolos teren i volo aleng, la i silok ti mo laaknuxup boro at laras main, la i lolos polo larapo paxanao at laras.

⁵ Leeme Silok, Lenavolo ram i nemen amisik, la loogu laplavang taram i xaala rinotno amisik la kopmen tekavaxap teren.