Sam 87 - Madak

Leemi Asu Mumu Ne Jerusalem

¹ Leeme Silok ga vaxaru lemenemen silok teren to vana at loxongkaana Saion, mo loxongkaana i xaala.

² la lavavara ren ti mo lemenemen silok Jerusalem i volo axap mo levenmenemen petpes bok keneng at lenep silok Israel.

³ Nemi limixin bor at lemenemen silok at ne Moroa, mina ronga i mo levempanga maraanu neni i tong asu nom lemenemen mumu u xeretna;

⁴ “Anaba lox abeles bok leme Isip mi leme Babilon at loxonaleng ana siam ka nedi limixin at levennep silok no ding tonga res tarak; anaba siam abeles ka bok nedi leme Pilistia, Taia, la Saidon ukeneng eburu mi limixin bus tinotno me Jerusalem.”

⁵ Dinaba epaase mumu mo loxot Saion do, larabung mixin axap, nedi mego di, la mo Lanaraavuk naba vaxaxis atmatkun mo loxot.

⁶ Leeme Silok naba malagan levenasen at mo limixin me xadiong la naba lox abeles axap di kusu dina ravasu ngan leme Jerusalem tino nga.

⁷ Dinabak pixan la dinaba tii. Mo loxompixan atdi naba lok keretna, “Lemenemen Saion neni xusuk mun laamkumkun at leveloklok anarong atnedik.”