Sam 82 - Madak

Moroa Neni Lamgomgo Me Vana Axap

¹ Moroa it kis silok keneng at lixitkis buru roxun at laxalibet; neni i sevut li levendoxoma avit keneng at lixitkis buru at leven moroa; mo levelinga ren i lok keretna,

² “Mina xap tinotno nga at liila gese nep at levenaleng mik lok levenete; mi gutak tu taba limixin kapmek!

³ Mina viila mumu avukat loklok atnedi limixin banbalo la lubungkarun mi lodoxoma mokmokso; mina paase mi luruturun tinedi dik pakes la dixo ruuna tevelolos.

⁴ Minak lox asepmus di boro at lolos at limixin kapmek.

⁵ Laxampanga vereven aie nimi! Langas panga rangtangku! Nemi laxampanga main! La kopmen tara atnimi i lok tempanga mokmokso at lavatbung menemen.”

⁶ La nia aga lok bok tidi, “Nemi lavanat moroa; la nemi axap luvutnitna Leeme Avolo.

⁷ Ketla minaba remet ngan luvuttadi at na laxangka; lorooro atnemi naba vaxap ngan bok lorooro at luvutnitna lavaorong.

⁸ O Moroa, ude u la unamgomgonga lavatbung menemen; laranep silok axap, ni ataram.