Sam 67 - Madak

Loxompixan Totong Avukat

¹ Moroa, una belemumu nema la una lox anarong bok nema; una lox asuusu labalamu ram tinema,

² kusu limixin at lavatbung menemen axap dinabaklen lodoxoma ram, la kusu limixin at levenep silok dinabaklen i do u lox avukat la uk lox arooro limixin.

³ O Moroa, naba lox avukat do limixin at levengkot axap dina emi asu minu; la i epovo rinotno do larabung mixin axap dina emi asu minu!

⁴ Naba lox avukat do limixin at levenep silok axap dina sosoro la dinak pixan mi lomomo, atla nu u viila mumu loklok at limixin mi lodoxoma mokmokso la levelinga ruturun, la um gomgonga limixin at levenep silok at lavatbung menemen.

⁵ O Moroa, naba lox avukat bok do limixin dina emi asu minu; i epovo rinotno do larabung mixin axap dina emi asu minu!

⁶ Laxangka ira lox asu vam leventaamang mukun teren; Moroa, ni ne Moroa atnedik ira lox anarong pam dik.

⁷ Moroa ira lox anarong pam dik, la naba lox avukat do limixin at levengkot axap dina xip aurut laasen teren.