Sam 54 - Madak

Lisingising Ti Loxokok Basinge Lavamunepen

¹ O Moroa, una lox asepsu ia mi lolos taram, una lox asepmus ia mi lolos taram.

² O Moroa, una ronga lising tarak, una ronga ka levelinga rak.

³ Limixin loklok papavas di lok do dina esep minia; limixin belemamao di lok tong pen i do dina sep amer ia. Nedi mo limixin, kopmen dina doma solo ne Moroa.

⁴ Ketla i ruturun tinotno do ne Moroa ni loklok tooro rak. Leeme silok, ni Lentupe rak.

⁵ Lisingising tarak keretna, Moroa na vorang taba amlong di mi laxakapmek diga lox i ria. La ni naba sele utut kepe axap di; atla neni laradi ik lox asoorun levengkakaape ren.

⁶ O Leeme Silok, nia anaba lok letaba ru mi lomomo. Nia anaba tong loklok avukat tu atla nenu u lox avukat tinotno.

⁷ Uga lox asepsu ia basinge laxanmumuat axap tarak; la nia aga reven u, ugak sak tup tino mi limixin munepen minia.