Sam 52 - Madak

Loklok Amokso Mi Labalamu At Ne Moroa

¹ Nu laradi silok, tila um simi u at laxapmek taram, la mumu bok mo lempanga xapmek uk lox i ri limixin at ne Moroa?

² U gagas li leventaangas ti lok kapmek leventaba vetpes; levelinga ram ing sengsen ngan loxonise. Nenu u puse ngas amisik ti xaxarang.

³ Nenu u vavara aleng ti laxakapmek la u ke xepe luvukat; u vavara aleng ti levelinga xaxarang la u ke xepe levelinga ruturun.

⁴ Nenu laradi xaxarang, u vavara aleng do unak lox asongot mene limixin mi laxalinga xaxarang taram!

⁵ Kuren la ne Moroa noxo xap ti lok kapmek amisik tino u; ni ba ranga alis ka u la ni naba saksu minu basinge loogu ram; la ni naba lox axap tino lorooro ram la unoxo nemen bok ba at lemenemen at limixin di rooro.

⁶ Limixin mokmokso dinaba ven i na la dinaba lingun; la dinabang longon arup u la diba lok do,

⁷ “Mina ven ba na laradi goxo vara i do ne Moroa na lok tatao i. Ketla ni ga nuunu saga at lapnovos silok teren, la ga nunua i do loklok kakapmek naba lox aulis i.”

⁸ Ketla nenia a lok ngan luuna Olip i susu avukat to xeneng at loogu at ne Moroa; nia a nuunu saga at labalamu lexen teren naba nemen amisik la noxo xap.

⁹ Nia anaba tong loklok avukat amisik tu, ne Moroa, ti nom lavanga ugara lok pam i; nia anaba tong asu i do nenu u lox avukat to melamgo at limixin taram.