Sam 47 - Madak

Lamgomgo Pana At Lempanga Axap

¹ Nemi limixin axap at na lavatbung menemen, mina pasa tingen mi lomomo! Mina emi asu mi ne Moroa mi livikpixan lolos!

² Leeme Silok, ni Leeme Avolo. Dik atana lok ngangao aleng teren; neni Loorong Silok, im gomgonga na lavatbung menemen axap.

³ Ni ga raba dik mi lolos ti sak tup mi limixin munepen minedik; ga lox asilok nedik kusu atam gomgonga leven abung mixin petpes.

⁴ Neni ga lok katling ka na lenep kangka atnedik livipisik li at ne Jakop ua tana nemen teren, ni i balamu limixin teren mo di lok momo mi lenep kangka atnedi.

⁵ Moroa i urut utoxun pana at lixitkis orong teren. Limixin di ven i la dip kup lolos aleng mi lomomo la lerengteng silok at laratu.

⁶ Mina vixan emi asu ri ne Moroa, mina vixan emi asu ri Loorong Silok atnedik!

⁷ Moroa ni Loorong Silok ti limixin axap at na lavatbung menemen, mina emi asu min mi livikpixan!

⁸ Moroa it kis to at loxot kitkis orong teren i melemelengan, la im gomgonga larabung mixin axap.

⁹ Luvuttadi amgomgo atdi di vot eburu mi limixin at lo Moroa at ne Abaram. Lolos teren i volo lolos atnedi axap limixin esep at na lavatbung menemen; ni Loorong i silok aleng ti lavaorong axap.