Sam 43 - Madak

Lisingising At Laradi I nemen At Lemenemen Kadiong

¹ O Moroa, una tong atkatla li rak do nia ap sepse, la una ru at lenep tarak tinedi limixin dixo nuunu ram. Una lox asepsu ia basinge limixin kaxarang la limixin kapmek.

² Nenu Lurutu See Pe rak, tila u on taba arulu ia? Tila nia a ekip tangarang amisik mi laxaloklok asongot limixin munepen minia dik lok kuxurung ia min?

³ Una lox asuusu laxasep taram eburu mi levelinga ruturun tia; dunam gomgonga ia la duna lam ka amlong ia uto Saion, lakaana xaala ram, la uto bok at loogu laplavang taram nenu u nemen teren.

⁴ Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.

⁵ Tila nia ak bulu amisik? Tila nia amdoma saasa? Nia anam doma ngangais ti ne Moroa, kusu anaba emi asu amu bok min; ni Laradi Loklok Arooro rak la ne Moroa rak.