Sam 3 - Madak

Lisingising Ti Loklok Tooro Maxantamak Suubu

¹ Leeme Silok, limixin solo di munepen minia. La buaang bok limixin di vas taba arulu xepe nga ia, dira munepen minia.

² La di paase mumu ia la dik lok keretna, “Moroa noxo lok tooro i.”

³ Ketla nenu, Leeme Silok, amisik nenu lavatban tia at levenaniu. Nenu mene u raba ia mi lolos ti sak tup mi limixin dit kis munepen minia. La nenu mun u lox alolos ia ngan laabelemes.

⁴ A sing lolos Leeme Silok mo ik lok tovana at lakaana kaala ren Saion la ing tonga ka lanteng tarak kusu ri loklok tooro.

⁵ A subu midi xopok la a unga, la a nemen avukat at laxanimin axap atla Leeme Silok i kok avukat ia.

⁶ Nia axo marat at legesa sangaun larabin sangaun kobot limixin munepen minia di tu xangkan ia at levengkot axap.

⁷ Ude u, Leeme Silok! Lox aroo ia, Moroa rak! Unaba lox i atla uk lox asongot limixin munepen minia, la uk lok kepe lolos basinge di kusu di noxo lox asongor ia.

⁸ Leeme Silok ik lok tooro limixin teren la di sak tup mi limixin munepen midi. La a sing i xusu neni naba lox anarong limixin teren.