Sam 20 - Madak

Lisingising Ti Loorong At Leesep

¹ Ma sing Leeme Silok, ni ne Moroa at ne Jakop, do ni naba ronga ram dola una ekip tangarang mi lumumuat, la naba xok avukar u!

² Ma sing box i do loklok tooro ru naba laa boro xeneng at loogu laplavang teren, la loklok tooro bok tu naba vot boro Saion at lakaana ren.

³ Ma sing box i do ni naba siam ka ampana letaba ram, la ni naba momo rino bok mi levelaplavang taram.

⁴ Ma sing box i do ni naba raba box u mi lempanga ung kongkat tin, la ni naba lox asoxos levendoxoma gagas taram.

⁵ Do Leeme Silok na lox epovo na levesingising la una sak tup mi lavamunepen taram, manabap kup mi lomomo, la manaba lok katling i mi leemi asu mi ne Moroa. Ma sing Leeme Silok naba lox asoxos axap levesingising taram.

⁶ Na nia aklen i do Leeme Silok im taba lolos ti loorong soksoxolik teren kusu ri sak tup mi limixin munepen min; neni i paase porang levelinga ro at loxot melemelengan teren keneng at lebelen laxalibet at ne Moroa. At lolos axa ren neni im taba i mi lolos avolo aleng ti sev asi limixin munepen.

⁷ Leventaba di nuunu saga at levenkaris esep atnedi, la leventaba di nuunu saga laxanos atdi, ketla nedik ta nuunu saga at lolos at Leeme Silok, ni ne Moroa atdik.

⁸ Limixin kerepmo dinaba vas kais la dina subu, ketla nedik tanaba xatu upana la manaba tu tuxuruxun.

⁹ O Leeme Silok, una raba lolos ti loorong kusu na sak tup mi limixin munepen min; la una ronga atnema do mana toro ru.