Sam 142 - Madak

Lisingising Ti Loklok Tooro

¹ Nenia a ro ke at Leeme Silok ti loklok tooro ren; la a sing lolos tinotno i.

² A tong taba i mi leven doxoma rak; la a tong axasep axap i mi leven mumuat tarak.

³ At loxonaleng a gagas kusu ana doma abulubun, neni iraklen pam langas salai ana mumu asu i; atla lavamunepen tarak dira li pe vam ia mi lara pelixo at mo langas nia at pas teren.

⁴ Amo do a reven tangtagap kangkan ia, axo ven tara go xusu naba lok tooro ia. Kopmen teta go nam doma mu ia mi lumumuat tarak.

⁵ Leeme Silok, a reng taba u xusu una lok tooro ia; nenu axa Leeme Silok nu Lurutu See Pe rak; la a vavara xusuk mun u keneng at na lorooro.

⁶ Una ronga ia, ang teng ti loklok tooro ram atla lodoxoma abulubun i suxuna axap ia. Una lox asepsu ia basinge lavamunepen tarak atla di lolos aleng polo lolos tarak.

⁷ Una lox asepmus ia basinge levenmumuat tarak, kusu anaba emi asu minu ro at lovotpot buru at limixin taram, atla uga lok luvukat tia.