Sam 138 - Madak

Lisingising Ti Tong Avukat

¹ Nenia a tong avukat tu Leeme Silok mi lorooro axap tarak; a vixan emi asu ru ro melamgo at leven moroa axap.

² A ru gili ri loogu laplavang kaala ram a rikbu la a emi asu mi laasen taram mumu labalamu lexen la loklok tuturun taram tinama. La a emi asu minu atla uga lox asuusu i do laasen taram i silok pologat la Lenavolo ram i silok aleng la duk lok mavana at lempanga axap at na lavatbung menemen.

³ Uga ronga res tarak at loxonaleng aga ro ke ram; la uga lox alolos ia mi lolos taram.

⁴ Leeme Silok, lavaorong axap at lavatbung menemen dinaba emi asu minu, atla digara ronga vam leveng kakaape ram.

⁵ Dinabak pixan mumu lempanga ugara lok pam i la mumu laasen silok taram.

⁶ Keke i do nenu u silok polo lempanga axap, ketla uk lok tatao luvuttadi gamasa de xopok, la limixin loklox aaso dixo epovo na lox alipe laxakapmek atdi basinge u.

⁷ At levenaleng levenmumuat i tu kangkan ia, nenu uk lok tatao ia. Nenu up sep tangarang lavamunepen belemamao rak, la uk lox asepsu ia mi lolos taram.

⁸ Nenu naba lox epovo lempanga uga xaape min; Leeme Silok, labalamu ram naba nemen lexen. Una lox epovo axap ta mo lugugu ua ugara vaxaru kaxat pam i.