Sam 130 - Madak

Lisingising Ti Doxoma Xepe Laxapmek

¹ Nenia at kis keneng tubu at lamain bonot at lanbulu silok i vung kimit ia, la a ro ke ram, Leeme Silok.

² O Leeme Silok, una ronga lanteng tarak; una ronga res at lisingising tarak la una doxoma xepe laxakapmek tarak!

³ Nege giba sixiroo at loklok asongot taram mo do nenu gitak lok katling leveloklok kakapmek atnema? Kopmen tinotno tara giba sixiro.

⁴ Ketla u doxoma xepe laxapmek atnema limixin taram, kuren la ma pavanga u mi loklok ngangao.

⁵ Nia a xulubi aleng ti loklok tooro at Leeme Silok, la a nuunu saga at levelinga ren.

⁶ A xulubi aleng ti loklok tooro at Leeme Silok, la axo lok ngan luvuttadi xukuxut di xulubi ri labara kooxot; lavavara rak ti xulubi ri Leeme Silok i volo mo lavavara at luvuttadi xukuxut di ngangais ti labara kooxot.

⁷ Leme Israel, mina nuunu saga at Leeme Silok atla, labalamu ren naba nemen lexen, la neni i vavara amisik i xusu nak lox aroo su limixin basinge leveloklok kakapmek.

⁸ Neni naba lox aroo su limixin teren me Israel basinge leveloklok kakapmek atnedi.