Sam 129 - Madak

Lisingising Ti Lok Pe Lavamunepen At Limixin Me Israel

¹ Limixin me Israel, mina tong asu mo levenngas ua lavamunepen atnemi diga lox asongot nemi min, ga ru ka i at levenaleng nemi miga aau ren.

² At mo levenmaares lavamunepen atnema digak lox asongot kapmek tinotno nema, ketla di goxo epovo ri vas asi nema.

³ Ga lok ngan ta do diga tara lempat nin kooxing at leven antuno atnema, la gak milik ngan ta laxangka ding kin li i ritlotlo vanga anan.

⁴ Ketla Leeme Silok, ni Laradi Manmanton, gara lox asepmus pam nema basinge lasaksaxango at limixin munepen.

⁵ A sing Leeme Silok do, neni naba sep aoo nedi limixin ua ding long angtungun ti limixin me Saion.

⁶ A vara i do dinaba lok ngan levempivilis i suusu ro vana at lavatlak gu, ua naba met (mang) soso mun;

⁷ la teta noxo dik kaka tempanga ren kopla nap kos eburu i la na xip kaka i uto at loogu ren.

⁸ La do tara na ekip tangarang midi ro at langa neni noxo tong i ridi do, “A sing Leeme Silok kusu na lox anarong nimi. A lox anarong nimi mi laasen at Leeme Silok.”