Sam 124 - Madak

Moroa Neni Lurutu See Pe At Limixin Teren

¹ Mo do Leeme Silok gixo tu at lenep atdik, nedik limixin axap me Israel giba exip tangarang mi lempanga salai?

² Mo do Leeme Silok gixo tu at lenep atdik, lavamunepen giba esep tangarang midik;

³ la lebelemamao atdi giba lok kapmek aleng tidik, la nedi giba linge bintoo nedik

⁴ la ladanut giba vula pe nedik, la na vaxat ka nedik uto vetpes,

⁵ la laaran silok gibak mir axong nedik.

⁶ Ata tong avukat ti Leeme Silok mo ga lox asepsu dik basinge lavamunepen atdik.

⁷ Nedik tara sixiroo vam kerekngan lapka i sixiroo basinge lelixo, nai lelixo ira rexorop pam, la nedik na tara sepmus ta.

⁸ Loklok tooro atdik ip tavasu boro at Leeme Silok, neni ga rudum li laxalibet mi lavatbung menemen.