Sam 122 - Madak

Leemi Asu Ri Lemenemen Jerusalem

¹ Aga momo aleng atla diga lok tia, “Uto dik at loogu at Leeme Silok.”

² La ana nga mara vubeles pam at langas povolo la mara tu nga ro xeneng at lemenemen Jerusalem.

³ Diga vaxaru li amu na lemenemen ngan lemenemen silok la diga penbixa avukat tinotno i.

⁴ La nedi larabibinat me Israel dit pas pot de; nedi dit pas kusu dina emi asu mi laasen at Leeme Silok, kerekngan mo levempapaase matmatkun Leeme Silok ga raba limixin me Israel min.

⁵ Na de Lavaorong Silok boro Israel digat kis at lengkonin atdi xusu dinang tonga linga at limixin.

⁶ Mina sing kusu limila nak lok to lemenemen Jerusalem; i epovo do nedi di vavara aleng na lemenemen, dinaba ngasang kobot.

⁷ I epovo bok do limila nak lok keneng at na lemenemen la Leeme Silok na lok tatao avukat limixin keneng at laraugu silok atdi.

⁸ Nia a lok lisingising mumu lemenemen Jerusalem keretna, “Limila nak lok keneng teren.” Ak lox i xerepmo kusu lentaba rak la larapentangas tarak dinaban tuuna lorooro nunuan.

⁹ Nia a sing bok Leeme Silok kusu nemi limixin mego mina sang kobot avukat atla loogu at Leeme Silok ne Moroa atdik ik lok go.