Sam 121 - Madak

Leeme Silok Neni Lurutu See Pe Atdik

¹ A milik aurut at lempatkaana, la a lok keretna, “Loklok tooro ria naba laa meava?”

² Loklok tooro naba suusu xusuk boro at Leeme Silok, neni ga rudum li laxalibet mi lavatkangka.

³ Neni noxo ke xepe ba u la una subu; atla neni mo Lurutu See Pe ram kopmen na vunga.

⁴ Mo Lurutu See Pe at leme Israel neni xopmen na vunga xis kopla na vunga met.

⁵ Leeme Silok naba reven tatao u; neni naba nemen saparav u kusu nak lok see ram.

⁶ Laxangking noxo sev asongot ba u at levenaleng kangking la lagaaling noxo sev asongor u at lengkanimin.

⁷ Leeme Silok axa nabak lox asepsu amisix u basinge levenaniu; la ni naba kok avukar u.

⁸ Ni nabak lok see ram at levempatpas taram at nai levenaleng la ap mo bok levenaleng i tu melamgo.