Sam 120 - Madak

Lisingising Ti Loklok Tooro

¹ Aga ngising ti Leeme Silok keneng at levenmumuat tarak, la neni ga lok tooro ia.

² Leeme Silok, una lox asepsu ia basinge luvuttadi xaxarang la sosolo arup. p

³ Nemi limixin kaxarang, lavanga salai mo ne Moroa naba lox i rinimi? La neni naba lox asongot nimi xereva?

⁴ Neni naba lox asongot nimi mi levesoosoo ing sengsen at luvuttadi esep la mi laxangkali kao iplivi aleng.

⁵ Axot kis avukat kantubu atnemi limixin kapmek; nemi mi lok ngan limixin tongtonga viribang di nemen to Mesek la to Kedar.

⁶ Agarak lok eburu amisik pam minedi limixin ua dixo sisiam ka limila.

⁷ La do a paase rinedi mi limila, di vavara na vesep mun.