Sam 100 - Madak

Loxompixan Emi Asu

¹ Limixin at lavatbung menemen axap, minak pixan ti Leeme Silok!

² Mina lotu saparap Leeme Silok mi lososoro; minat pot parav i mi lempixan loklok momo!

³ La mina ven kibis i do Leeme Silok neni ne Moroa. Neni ga rudum dik, la nedik ateren akmokso; nedik limixin teren, nedik laxasipsip teren.

⁴ Minak beles at langas povolo ukeneng at loogu laplavang mi leventamtaba ri tong avukat tin; minak beles eburu mi leemi asu rin uto xeneng at lenep tongtonga linga ren. Mina tong avukat tin la mina vemi asu min.

⁵ Leeme Silok, neni i lox avukat; labalamu ren ik lok amisik la luruturun teren ti limixin naba nemen amisik la noxo xap.