Taetasi 2 - Ṉa Alaofua Falu 1923 1949

¹ Ma ni oe oki sorea si do ki ne farana si kwaifa manataia taliṉei:

² Na wane na kera arai ki naa keki inoto ana seeda i talaada, tainei, seeeno, taliṉei ana fitooa, ana liothau la, asi lio ni susuu:

³ Na kini ki lau boo na kera kukue naa riki lada kai farana toa abu ki, kesi lole fafia imole ma kesi fale kera ana kuu la ana waene oro, keki toa ni kwaifamanatai asi do lea ki;

⁴ Fasi keki to’oa isana kini bii baita ki keki inoto ana seeda i talaada, keki liothau ana kwaida, keki liothau ana wela kera ki,

⁵ Keki seeeno, keki to lea, keki ra i maafera kera ki, keki abula lea, keki roo sulia kwaida i talaada, fasi e ai kesi ṉata ni faretoliṉi lana bae lana tha God:

⁶ Wane bii baita ki lau boo oki soree isada keki seeeno:

⁷ Asi do ki sui bana oki fatai nia ra lea oe ki fasi keki lio uria; ana kwaifamanataia oe oki fatai nia si lio na kesi faataalia, taiṉei la, si lio ne mamana,

⁸ Si ṉata taliṉei, na kera dora ania alaṉi lamu la ana ta si do fafia; fasi wane ne maalimae iakulua kai seenoni, uria ne ai ta si do taa ni isana na nia kai sorea suli kamulua.

⁹ Toa na kera suuwanida keka tona ra bada keki roo sulia wane inoto kera ki i talaada, keki faalea kera asi do ki sui bana; kesi oliteinida;

¹⁰ Kesi abula dodora, ma keki fatai nia ṉado mamana lada ne lea; fasi keki ilia na keka taṉoa kwaifamanataia tha God ne faamaruki kulu asi do ki sui bana.

¹¹ Uria na lea la tha God, ne ṉalia mai marukia, e maṉo mai ifana imole ki sui,

¹² Do ne faamanatai kulu, fasi kuka tofea si lio ni fare faekwa la atha God ma si thathami la taa kada nei ki, ma kuki abula seeeno ma kokoto ma asi lio ni fare baita la atha God asi maṉa eri;

¹³ Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;

¹⁴ Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

¹⁵ Si do eki oki ṉata sulia ma oki sorea isada ma oki ṉata fifi isada asi lio ne baita ni gwauwai la. Osi alamatania ta wane si fare faekwa iamu.