Taetasi 1 - Ṉa Alaofua Falu 1923 1949

¹ Polo, wane ni ra tha God, ma aposela tha Jesus Christ, sulaania si do eki na toa na tha God e filida kera fitoona, ma thaitoomana lana mamana la eri asi lio ni fare baita la atha God,

² Ana manatatoo ṉado la uria marukia tatha, do na tha God, ne dora ania lole la, e alaṉai nia to u asia mai inao ne ai si sui;

³ Ma sui asi maṉa nia ki e fatai nia bae lana asi ṉata la, na kera takofalea iaku sulia si ṉata fifi tha God ne faamaruki kulu;

⁴ Isatha Taetasi, wela mamana nau asi do eki na koro fitoona: Lea la, tatakomia, ma enenoa, ita atha God na Maka ma tha Lord Jesus Christ ne faamaruki kulu.

⁵ Uria si kula eri ku akwasi oe i Kirita na ba, fasi oko faaooloa si do ne ai si oolo ki u, ma oki alua toa ulunao ki i la toaa susu kera ki, ta si kula si ei, ’uria nau ku soree isamu;

⁶ Mada sa ta wane ka dodoloa, ana tee kwai boo, ma baree wela nia na kera fitoo, na kesi alaṉida ana ṉalu la, ma toa na kesi ade sulia si ṉata ka ai.

⁷ Sulaania wane nanao kai dodoloa e ai si ei boo, ’uria wane na kera takofale nia asi do tha God ki; wane ni susuu la lau bana asi do nia thathamia i talaana e ai, wane ne rakeiri fofoa ka ai, e ai si kuu baita ana waene, e ai si firu ana abana, e ai si ogogoni ana malefo ne faataali kia;

⁸ Kai beta ṉado sulia toa kwaita ki, kai liothau ana wane lea ki, kai seeeno, kai kokoto, kai abu, seena si inoto ani nia;

⁹ Kai rau asi baea mamana ne totoo bia kwaifamanataia eri, fasi kai talaana ṉata la sulia kwaifamanataia taliṉei eri, ma faaseenoni lana toa na kera suusia.

¹⁰ Sulaania wane na kesi ade sulia si ṉata kera oro, toa na kera ṉataṉata ana ṉata la ne fakoka ma toa ni malaoe la, toa eki ana kwaikakali la ka suke tatha,

¹¹ Toa noki faabona kera e ai si ei boo; wane ki na kera tole garo ana baree wela ki sui, uria na kera tooa si do ne ai si kokoto ki, uria malefo ne faataali kia.

¹² Tee wane iada, ana porofeta kera ki i talaada, e sorea, Toa i Kirita ki kera toa ni lole la ṉado, do taa kwasi ki, na rakede too iada ma kera lalakwa busu.

¹³ Si do na wane eri e faamamanea sulia si do nia thaitoomana e mamana boo. Mania oki ṉatafifi faamau isada, fasi keki taliṉei asi do eki na kulu fitoona,

¹⁴ Ma manatada si teo asi uunu ki ana Ju ki, ma asi ṉata fifi wane ki na kera akele faisia mamana la eri.

¹⁵ Ifana toa liode thathaulia si do ki sui bana e thathaulia: ma ifana toa na liode taa ma kera fitala e ai ta do si thathaulia; manatada ma lioda lau boo e taa naa.

¹⁶ Kera sorea na kera thaitoomana tha God, sui ra kera ki ka sorea kera dora bada ani nia, uria nia mamagu ani kera, kera ade faisia ṉata lana, ma sulia si ra lea ki sui bana kesi ala fafida.