Roma 3 - Ṉa Alaofua Falu 1923 1949

¹ Sui ṉa Ju si nia e tatha ufita? mado kwaiadomi la ta na kwai kakali la e kwaiadomi ania?

² E kwaiadomi faamau asi do ki sui bana: si do totonao neri, na kera takofalea si ṉata na tha God e sorea mai ani kera.

³ Sulaania mada sa ṉa fitooa ka ai faisia tei wane iada, ṉa ta ni ania? fitala la kera kai faaaia mamana la tha God?

⁴ Si do ka ai neri: iu, tha God ana kai mamana, ma wane eki sui boo kera toa ana lole la; ’uria si do na kera keda, Fasi keki ala fafia kokoto lamu uria si ṉata oe ki, Ma si oe kai tatha asi maṉa ana kotu.

⁵ Ma mada sa abula lakulua ne ai si kokoto kai fatai nia kokoto la tha God, si ta na kuki sorea? Tha God e ai si abula kokoto uria ne duua rakeiria ifana si do eri? (Nau ku ṉata ana ṉata lana wane ki.)

⁶ Si do ka ai neri: sulaania asi kula eri nifana ade lana fasi tha God na Wane ni Kotu kai ṉata sulia toa ana fanua nai iano?

⁷ Uria mada sa mamana la tha God e fatai ka tatha uria lole la nau ana faainoto lana, uria ta lau na Wane ni Kotu kai ṉata suli nau, wane ku abula taa?

⁸ Ma uria ta na kesi sorea (talafana si do kera lole fafi kamilia ania, ma talafana si do tei wane ki kera sorea na mili sorea na ba), Kuki ilia si do ne taa, fasi si do ne lea kai fula mai? toa na kwae lada na ṉa do kokoto.

⁹ Ma ṉa ta ni lau? kamilia lea ka tatha ani kera? E ai dodoloa: uria na mili bii alaṉia Ju ki ma toa i Girisi ki asi do eri, na kera sui boo kera to ana abula taa la;

¹⁰ ’Uria si do na kera keda, F ai ta wane si kokoto, e ai ta tee nonii wane mena;

¹¹ E ai ta wane si manata lea, E ai ta wane si rofe iburiatha God;

¹² Kera sui kera akele eeta, kera sui kera ofu asi do ne ai si kwaiadomi; E ai ta wane si ilia si do ne lea, e ai dodoloa ta tee nonii wane mena:

¹³ Liode ’uria maana kwaiṉeia na kera ifinia; Kera lolole ṉado ana meada: Do bubula ana baekwa i tolo ki ni fara ṉiduda:

¹⁴ Toa na fokode fuṉu ana kwala la ma si ṉata ne afae:

¹⁵ Kera fita fofoa ana aaeda uria thauwane la;

¹⁶ Si do na kai labatai teefau ani kera ma taa la baita ni ana tala kera ki;

¹⁷ Ma tala ana enenoa kera dora ania:

¹⁸ Mau la atha God ka ai faisia maada.

¹⁹ Kulu thaitoomana boo na si do ki sui bana ṉa lo e sorea, e ṉata isana toa eki na kere ni fara ṉa lo; fasi keki faabona fokoe imole ki sui bana, ma keki ofua toa na fanua nei iano ki sui bana keki to ifara si do na tha God na Wane ni Kotu kai sorea:

²⁰ Mania maana si ra ana ṉa lo ki kesi ala fafia kokoto lana ta imole inaofana: sulaania ana ṉa lo kera thaitoomana abula taa la.

²¹ Ma sui si maṉa eri kera fatai nia kokoto la ne ita mai atha God ṉa lo ka ai faisia, si do na ṉa lo ma porofeta ba ki kera faamamanea si do na kera thaitoomana sulia;

²² Kokoto la ne ita mai atha God ana fitoona lana tha Jesus Christ neri, ifana toa eki sui boo na kera fitoo; uria ne ai kesi eeta kwailiu;

²³ Uria na imole ki sui bana kera abula taa, ma keki ṉuṉuru faisia inotoa tha God;

²⁴ Sui kera tona falea kokoto la ifada ana lea la nia uria tae la faisida na ni atha Christ Jesus:

²⁵ Wane na tha God e alu fatai ania, si kula ana dianalio la, ana fitoona lana abuna, uria fatai lana kokoto la nia, ne doanita sulia mamasoro la tha God ana abula taa la eki na kera abula taa ania dini u mai inao;

²⁶ Uria fatai lana kokoto la nia asi maṉa eri: fasi ni nia kai kokoto, ma kai ala fafia kokoto lana wane ne fitoona tha Jesus.

²⁷ Sui nifenia fare baita lada i talaada? Kera suusia ka ai naa. Ana lo ta? sulia si ra ki? E ai: lo sulia fitooa neri.

²⁸ Mania manatakulua na kera ala fafia kokoto lana ta wane ana fitooa, si ra ṉa lo ki ka ai faisia.

²⁹ Tha God na God ana talitoona bana Ju ki? God ana Jenetaele ki lau boo e ai? Iu, ana Jenetaele ki lau boo:

³⁰ Uria na tee tha God boo, ma nia kai ala fafia kokoto lana toa ana kwai kakali la ana fitooa, ma toa na kesi kwai kalida uria fitooa.

³¹ Sui kulu faaaia ṉa lo ana fitooa? Si do ka ai neri: e ai, kulu faaṉadoa ṉa lo.