Nehemiah 12 - Ṉa Alaofua Falu 1923 1949

¹ Ma wane ni foa ki ma Lifaete ki na kera tae mai bia tha Serababelo na kaluwane tha Salatila, ma tha Jesua, nai nida: tha Seraea, tha Jeremaea, tha Esera;

² Tha Amaraea, tha Malakae, tha Atasa;

³ Tha Sekanaea, tha Reama, tha Meremota;

⁴ Tha Ido, tha Ginetona, tha Abaea;

⁵ Tha Miamina, tha Madaea, tha Biliga;

⁶ Tha Semaea, ma tha Joiriba, tha Jedaea;

⁷ Tha Salu, tha Amoka, tha Ilikaea, tha Jedaea. Wane na kera inoto ki ana wane ni foa ki ma ana toa ana ina lada kera afa boṉi tha Jesua ki neri.

⁸ Ma sui Lifaete ki lau boo: tha Jesua, tha Binui, tha Kamiele, tha Serebaea, tha Juda, ma tha Metanaea na wane ne nanao asi sore lea la, ni nia bia ina lana kera.

⁹ Ma ro wane ana ina lada kera, na tha Babukaea ma tha Ani, kero ni otofada ana ofu la eki toa na kera tharai.

¹⁰ Ma tha Jesua ka tharea tha Joikima, ma tha Joikima ka tharea tha Ilaesifu, ma tha Ilaesifu ka tharea tha Joida,

¹¹ Ma tha Joida ka tharea tha Jonatana, ma tha Jonatana ka tharea tha Jadua.

¹² Ma afa boṉi tha Joikima ki tei wane ni foa keka to bada na kera inoto ana kwalafana maka kera ki: atha Seraea, tha Meraea; atha Jeremaea, tha Ananaea,

¹³ Atha Esera, tha Mesalama; atha Amaraea, tha Jioanana;

¹⁴ Atha Malakae, tha Jonatana; atha Sebanaea, tha Josefa;

¹⁵ Atha Arima, tha Adana; atha Mereota, tha Elakae;

¹⁶ Atha Ido, tha Sakaraea; atha Ginetona, tha Mesalama;

¹⁷ Atha Abaea, tha Sikirae; atha Miniamini, atha Modaea, tha Bilitae;

¹⁸ Atha Biliga, tha Samua; atha Semaea, tha Jeonatana;

¹⁹ Ma atha Joiriba, tha Matenae; atha Jedaea, tha Asi;

²⁰ Atha Salae, tha Kalae; atha Amoka, tha Iba;

²¹ Atha Ilikaea, tha Asabaea; atha Jedaea, tha Netanila.

²² Lifaete ki afa boṉi tha Ilaesifu ki, ma tha Joida, ma tha Joanana, ma tha Jadua, kera kedaa thatada, na wane na kera inoto ki ana kwalafana maka kera ki: thatana wane ni foa ki lau boo asi maṉa na tha Daraesi, na wane i Basia, e kiṉa.

²³ Kwalafaa tha Lifae na kera inoto ki ana kwalafana maka kera ki, kera kedaa thatada i la buka asi do kera ilidaki afa boṉi eki, lalae ka fula afa boṉi eki na tha Joanana na kaluwane tha Ilaesifu ka to bana.

²⁴ Ma wane inoto Lifaete ki nai nida: tha Asabaea, tha Serebaea, ma tha Jesua na kaluwane tha Kamiele, bia ina lada kera na ni otofada, fasi keki tanoa tha God ma keki sore lea, alafana si ade la na wane tha God eri na tha Defeta e ṉata fifi sulia na ba; ofu la ana toa eki ka ni otofana ruana ofu la eri.

²⁵ Tha Matanaea, ma tha Babukaea, tha Obadaea, tha Mesalama, tha Tamona, tha Akafa, na ṉa wane ni fono toi la ki kalia maethakaa ki, na kera tharai ana beta lana kadee biu ogogonia ki sana maethakaa eki.

²⁶ Wane eki kera to bada afa boṉi eki ana to lana tha Joikimu na kaluwane tha Jesua, kaluwane tha Josadeka, ma afa boṉi eki ana to lana wane gwauwai gafumanu eri na tha Niimaea, ma ana to lana wane ni foa eri na ṉa wane ni kekeda, tha Esera neri.

²⁷ Ma asi maṉa ana faaabu lana sulufau eri i Jerusalema, keka rofea mai Lifaete ki faisia si kula kera ki sui bana, fasi keki talaida mai uri Jerusalema, keki betaa fafaṉaa ana faaabu la eri ana seethathala la, asi sore lea la neri, ma ana ṉu la, asi thalo ki na keki kidiriria, ana do keka ufidaki, ma taleagaa ki lau boo.

²⁸ Ma kwalafana toa eki ni ṉu la keka ofu mai, faisia fanua dedema kakalia i Jerusalema, ma faisia toaa faekwa ki Netofataete ki lau boo;

²⁹ Faisia Bete‐gigo lau boo, ma faisia bali gano i Giba ma Asamafeta: uria na toa eki ni ṉu la kera kasia naa tei toaa faekwa ki ifada kakalia i Jerusalema.

³⁰ Ma wane ni foa ki ma Lifaete ki keka faafaalu kera italaada; sui keka faafaalua oronana toa eki, ma maethakaa eki, ma sulufau eri.

³¹ Sui ni nau ku talaia mai wane inoto Juda ki ifafona sulufau eri, ku alua ro laea baita ki na keka sore lea ma keka lae ana lae lada na ka totoo; tee laea baita keka lae uri bali aba aola ifafona sulufau eri uria maethakaa do eki na kera naṉa ania i la taerau:

³² Ma buriana toa eki tha Osaea ka lae bia ta bali ana wane inoto Juda ki.

³³ Ma tha Asaraea, tha Esera, ma tha Mesalama,

³⁴ Toa i Juda ma i Benijamini, ma tha Samaea, ma tha Jeremaea,

³⁵ Ma tei wane ana kwalafana wane ni foa ki fafia buṉu ki: tha Sakaraea neri na kaluwane tha Jonatana, kaluwane tha Semaea, kaluwane tha Matanaea, kaluwane tha Maekaea, kaluwane tha Saka, kaluwane tha Esafa;

³⁶ Ma ina lana kera, na tha Samaea, ma tha Asarele, tha Milalae, tha Gilalae, tha Maae, tha Netanila, ma tha Juda, tha Ananae, fafia agaa eki wane tha God na tha Defeta; ma wane ni kekeda eri na tha Esera ka tatha inao ani kera:

³⁷ Ma isana maethakaa ruka‐mauri eri ne ni otofada, keka tae ana lalaefa uria toaa susu tha Defeta, asi kula ana tae lana sulufau eri, ka tatha fafia maafera tha Defeta, lalae keka fula ana maethakaa kafo, ne lio uria si kula ana tae lana thato.

³⁸ Ma ruana laea baita ana toa na keka sore lea keka lae fasi keki toda ana toa lo, ma ni nau iburiada, bia ruana bali toa eki, ifafona sulufau eri, ka tatha ana faelaṉi ni toi la asi kula ana era baita ki, lalae mika fula ana sulufau rerebaa eri;

³⁹ Ma fafia maethakaa Ifiremu, ma isana maethakaa eri ne ni mai inao, ma isana maethakaa gwa i’a ki, ma faelaṉi ni toi la tha Ananila, ma faelaṉi ni toi la i Mia, lalae mika fula isana maethakaa sifi ki: ma keka takwe ṉado isana maethakaa lokafu.

⁴⁰ Mania ro laea baita eki ana toa eki ni sore lea la i biu tha God, keka takwe bada una eri, ma ni nau, ma ta bali ana wane gwauwai ki bi nau:

⁴¹ Ma wane ni foa ki, tha Ilaekimu, tha Maasea, tha Miniamina, tha Maekaea, tha Elioenae, tha Sakaraea, ma tha Ananaea, fafia buṉu ki;

⁴² Ma tha Maasea, ma tha Semaea, ma tha Eliesa, ma tha Asi, ma tha Jeoanana, ma tha Malakaea, ma tha Ilama, ma tha Isa. Ma toa eki ni ṉu la keka ṉu baita, bia wane nanao kera na tha Jesaraea.

⁴³ Ma sui lau boo keka falea do ni foa la baita ki afa boṉi eri, ma keka seethathala; uria na tha God e adea na keka seethathala ana seethathala la baita; ma kini ki ma kaala wela keka seethathala lau boo: adedea toa na kera ni da mena keka roṉoa liṉana seethathala la eri i Jerusalema.

⁴⁴ Ma asi maṉa eri kera alua tei wane fasi keki nanao ana kadee biu eki ifana ogogonia ki, ma ifana do ni foa la na keka tafodaki iaa, ma ifana foee do totonao ki, ma ifana taṉafula si do ki, fasi keki ofua do eki i kadee biu eki, faisia bali gano toaa susu ki, moriṉa wane ni foa ki ma Lifaete ki neri, na ṉa lo e gwalua ifada: uria na toa i Juda keka seethathala uria wane ni foa eki ma Lifaete eki na keka takwe asi ra kera ki.

⁴⁵ Ma toa ni ṉu la ma toa ni fono toi kalia maethakaa ki keka oga asi ra na tha God e falea iada, ma asi ra ana faafaalu la, sulia si ṉataa fifi tha Defeta, ma kaluwane nia na tha Solomona.

⁴⁶ Uria na i dini u mai inao afa boṉi eki ana to lana tha Defeta ma tha Esafa, wane ne inoto ana toa ni ṉu la e toto bana, ma kera kwaia fa ṉu ki ana taṉo lana thatana tha God, ma asi sore lea la iana.

⁴⁷ Ma afa boṉi eki ana to lana tha Serababelo ma to lana tha Niimaea, toa i Isirela ki sui bana keka falea moriṉa toa ni nu ki ma toa ni fono toi kalia maethakaa ki, sulia boṉi moriṉa kera ki na ka talaana fa boṉi eki: ma keka faaabua si do ki ifana Lifaete ki, ma Lifaete ki keka faaabua si do ki ifana kwalafaa tha Erona.