Nehemiah 11 - Ṉa Alaofua Falu 1923 1949

¹ Ma wane gwauwai ki ana toa eki keka to bada i Jerusalema: oroṉana toa nei lau boo kera ilala, fasi ana too tee akwala keki talaia mai tee nonii wane na kai to bana i la toaa susu abu eri i Jerusalema, ma sikwa wane i la tei toaa susu ki lau.

² Ma oroṉana toa eki keka alua lea la fafia wane eki sui bana na kera tala thathamii fale kera italaada fasi keki to bada i Jerusalema.

³ Ma wane inoto ki ana bali fanua nei na keka to bada i Jerusalema nai nida: sui la toaa susu na i Juda ki toa eki keka to bada, too tee wane iada asi kula nia italaana, toa i Isirela neri, ma wane ni foa ki, ma Lifaete ki, ma Netinimu ki, ma kwalafaa toa ni ra tha Solomona.

⁴ Ma i Jerusalema tei wane ana kwalafaa tha Juda keka to bada, bia tei wane ana kwalafaa tha Benijamini. Ana kwalafaa tha Juda: tha Ataea na kaluwane tha Asaea, kaluwane tha Sekaraea, kaluwane tha Amaraea, kaluwane tha Sefataea, kaluwane tha Maalalila, ana kwalafaa tha Biresi;

⁵ Ma tha Masea kaluwane tha Baruka, kaluwane tha Kolose, kaluwane tha Asaea, kaluwane tha Adaea, kaluwane tha Joiribu, kaluwane tha Sekaraea, kaluwane tha Saeloni.

⁶ Toa ana kwalafaa tha Biresi na kera to bada i Jerusalema, fai taleṉee wane ma ono akwala ma kwalu wane na kera sukwai faamau.

⁷ Ma kwalafaa tha Benijamini nai nida: tha Salu kaluwane tha Mesalama, kaluwane tha Joada, kaluwane tha Bedaea, kaluwane tha Kolaea, kaluwane tha Masea, kaluwane tha Itiele, kaluwane tha Jesaea.

⁸ Ma buriana wane eri tha Gabae, tha Salae, sikwa taleṉee wane ma ro akwala ma kwalu wane.

⁹ Ma wane ne nanao iada na tha Joele kaluwane tha Sikari: ma ruana wane ne nanao ana toaa susu eri na tha Juda kaluwane tha Senua.

¹⁰ Ana wane ni foa ki: tha Jedaea kaluwane tha Joiribu, tha Jakini,

¹¹ Tha Seraea kaluwane tha Ilikaea, kaluwane tha Mesalama, kaluwane tha Sadoka, kaluwane tha Mereota, kaluwane tha Aitabu, e gwauwai ana biu tha God,

¹² Ma ina lada na keka ilia si ra ifana biu eri, kwalu taleṉee wane ma ro akwala ma ro wane: ma tha Adaea kaluwane tha Jeroama, kaluwane tha Belalaea, kaluwane tha Amasi, kaluwane tha Sekaraea, kaluwane tha Basa, kaluwane tha Malakaea,

¹³ Bia ina lana kera, na kera inoto ana kwalafana maka kera ki, ro taleṉee wane ma fai akwala ma ro wane: ma tha Amasae kaluwane tha Asarile, kaluwane tha Asae, kaluwane tha Mesilemota, kaluwane tha Ima,

¹⁴ Ma ina lada kera na wane sukwai faamau ki ana firu la, tee taleṉee wane ma ro akwala ma kwalu wane: ma wane ne nanao iada na tha Sadile, kaluwane tha Agidolimu.

¹⁵ Ma ana Lifaete ki lau boo: tha Semaea kaluwane tha Asaba, kaluwane tha Asirikama, kaluwane tha Asabaea, kaluwane tha Bani;

¹⁶ Ma tha Sabetae ma tha Josabada, ana wane inoto ana Lifaete ki, kero nanao ana biu tha God asi ra na i thara ki;

¹⁷ Ma tha Matanaea kaluwane tha Maeka, kaluwane tha Sabadi, kaluwane tha Esafa, e inoto ana thafali lana si sore lea la ana foa la ki, ma ruana wane ne inoto imaalutana ina lana kera na tha Babukaea; ma tha Ada kaluwane tha Samua, kaluwane tha Galala, kaluwane tha Jedutana.

¹⁸ Lifaete eki sui bana i la toaa susu abu, ro taleṉee wane ma kwalu akwala ma fai wane.

¹⁹ Ma sui lau boo wane eki ni fono toi la kalia maethakaa ki, tha Akaba, tha Tamona, ma ina lada kera, na keka fono toi kalia maethakaa ki, tee taleṉee wane ma fiu akwala ma ro wane.

²⁰ Ma oretana toa i Isirela, ana wane ni foa ki, ma Lifaete ki, kera to bada i la toaa susu Juda ki sui bana, wane boo i la bali gano nia italaana, ta wane boo i la bali gano nia italaana.

²¹ Ma sui Netinimu ki keka to bada i Ofele: ma tha Sia ma tha Gisiba keko nanao ana Netinimu eki.

²² Ma wane eri lau boo ne nanao ana Lifaete na i Jerusalema ki na tha Asi kaluwane tha Bani, kaluwane tha Asabaea, kaluwane tha Matanaea, kaluwane tha Maeka, ana kwalafaa tha Esafa ki, na toa ni ṉu la, na keka inoto ana ra na i biu tha God.

²³ Uria na si ṉataa fifi kiṉa nei suli kera nai nia, Keki falea boo sulia boṉi moriṉa toa ni ṉu la ki ne talaana fa boṉi eri.

²⁴ Ma tha Betaea kaluwane tha Mesesabila, ana kwalafaa tha Sira kaluwane tha Juda, e to bana isana abana kiṉa nei asi ade la eki sui bana sulia toa nei.

²⁵ Ma sulia toaa faekwa ki, bia bali gano kera ki, tei toa ana kwalafaa tha Juda keka to bada i Kiriata‐aba bia toaa faekwa nia ki, ma i Daebona bia toaa faekwa nia ki, ma i Jekasile bia toaa faekwa nia ki;

²⁶ Ma i Jesua, ma i Molata, ma i Betefelete;

²⁷ Ma i Asasuala, ma i Biasifa bia toaa faekwa nia ki;

²⁸ Ma i Sikilaga, ma i Mekona bia toaa faekwa nia ki;

²⁹ Ma i Erimona, ma i Sarea, ma i Jamuta;

³⁰ I Sanoa, i Adalama ma toaa faekwa ro fanua eki, i Lekisi ma bali gano nia ki, i Asika ma toaa faekwa nia ki. Mania keka to bada ita i Biasifa lalae ka fula ana kurua eri i Inoma.

³¹ Kwalafaa tha Benijamini lau boo, kera ita i Giba, keka to bada i Mikimasa, ma i Aea, ma i Betele ma i toaa faekwa fanua eki;

³² I Anatota, Noba, Ananaea;

³³ Eso, Rama, Gitaema;

³⁴ Adida, Seboima, Nebalata;

³⁵ Loda, ma Ono, na kurua toa ni thauwaia ki.

³⁶ Ma tei bali toa ana Lifaete ki keka to bada i Juda, ma isana toa i Benijamini.