Nehemiah 10 - Ṉa Alaofua Falu 1923 1949

¹ Ma toa eki na kera faaṉadoa ana do kera ki ni faaṉado lana, nai nida: wane gwauwai gafumanu na tha Niimaea ṉa kaluwane tha Akalaea, ma tha Sedikaea,

² Tha Seraea, tha Asaraea, tha Jeremaea;

³ Tha Basa, tha Amaraea, tha Malakaea;

⁴ Tha Atasa, tha Sebanaea, tha Malaka;

⁵ Tha Arimu, tha Meremota, tha Obadaea;

⁶ Tha Daniele, tha Ginetona, tha Baruka;

⁷ Tha Mesalama, tha Abaea, tha Maeamini;

⁸ Tha Maasea, tha Biligae, tha Semaea: wane ni foa ki neri.

⁹ Ma Lifaete ki nai nida: tha Jesua, na kaluwane tha Asanaea, tha Binui, na wane ana kaluwane tha Enadada ki, tha Kamiele;

¹⁰ Ma ina lada kera, tha Sebanaea, tha Odaea, tha Kelita, tha Belaea, tha Anana;

¹¹ Tha Maeka, tha Rioba, tha Asabaea;

¹² Tha Saka, tha Serebaea, tha Sebanaea;

¹³ Tha Odaea, tha Baani, tha Beninu.

¹⁴ Wane inoto ki ana oroṉana toa eki: tha Barosa, tha Baata‐moaba, tha Ilama, tha Satu, tha Baani;

¹⁵ Tha Bani, tha Asagata, tha Bibae;

¹⁶ Tha Adonaea, tha Bigifae, tha Adini;

¹⁷ Tha Ata, tha Esikaea, tha Asa;

¹⁸ Tha Odaea, tha Asama, tha Bisae;

¹⁹ Tha Arifa, tha Anatota, tha Nobae;

²⁰ Tha Mabiasa, tha Mesalama, tha Isa;

²¹ Tha Mesesabela, tha Sadoka, tha Jadua;

²² Tha Belataea, tha Anana, tha Anaea;

²³ Tha Osia, tha Ananaea, tha Asaba;

²⁴ Tha Aloesa, tha Bila, tha Sobeka;

²⁵ Tha Reama, tha Asana, tha Masea;

²⁶ Ma tha Ahaea, tha Hanana, tha Anana;

²⁷ Tha Maloka, tha Arimu, tha Bana.

²⁸ Ma oroṉana toa eki, na wane ni foa ki, Lifaete ki, toa ni fono toi kalia maethakaa ki, toa ni ṉu la, Netinimu ki, ma toa eki sui bana na kera alu eeta ani kera italaada faisia toa ana fanua eki, fasi keki bira ana lo tha God, kwaida, kaluwane kera ki ma thari kera ki, toa eki sui boo na kera thaitoomana lea ma liode too;

²⁹ Keka rau ṉado ana ina lada kera, wane inoto kera ki neri, keka sorea ana othi la na taa la kai to fafida mada sa kesi ade sulia lo tha God ne falea mai ana abana wane ni ra tha God eri na tha Mosisi, sa kesi onotoona, kesi ilia si ṉataa tha Jihova na Arai kamilia, ma si ṉataa fifi nia ki, ma si do ne gwaludaki;

³⁰ Keka alaṉai sa misi falea thari kamilia ki fana toa eki ana fanua nei, misi folia mai thari kera ki fana kaluwane kamilia ki:

³¹ Ma mada sa toa eki ana fanua nei keka ṉalia mai do ni usi la anidaki mado ta si faṉa sa keka usi ania afa boṉi mamaloa, kamilia sa mika usia mai afa boṉi mamaloa eri, mado ana ta fa boṉi abu, e a’i: ma miki to faisia unii do na kai tae ki mai sulia fiuna fa ṉali ki, ma misi suuwai nia toa keki oli fafia ta sii bana asi do na kera ṉali laṉa anidaki.

³² Ma mili gwalua lau bamilia tei si ṉataa fifi, sorea na too tee fa ṉali e a’i si e’i miki falea, wane boo ula kadee sekele, ta wane boo ula kadee sekele, ifana si ra biu God kamilia;

³³ Ifana berede abu eri, ma si mila na keki falea ana do ni foa la ki sulia boṉi, ma ifana do ni afufu ki na keki falea nado afa boṉi mamaloa ki, ma afa boṉi ana madami faalu ki, ma fafaṉaa eki na kera gwalua, ma ifana si do abu ki, ma do na keki thauṉia ana tae la faisia Isirela uria abula taa lada, ma ifana ra ni sui bana ana biu God kamilia.

³⁴ Ma mili ilala imaalutana wane ni foa ki, ma Lifaete ki, ma oroṉana toa eki, uria fale lana oke ’ai eki, miki ṉalia mai isana biu God kamilia, sulia ina lana maka kamilia ki, asi maṉa na keka gwalua, too tee fa ṉali, too tee fa ṉali, fasi keki soonia era ifafona fulii era ni foa tha Jihova na God kamilia, sulia si ṉataa na kera kedaa i la lo:

³⁵ Ma miki ṉalia bomai foee do totonao ki ana bali gano kamilia ki, ma foee do totonao ki sui bana ana foee ’ai ki sui boo na kera eeta kwailiu, too tee fa ṉali, too tee fa ṉali, isana biu tha Jihova:

³⁶ Ulunao ki lau boo ana kaluwane kamilia ki, ma katele kamilia ki, sulia si do na kera kedaa i la lo, ma do totonao ki ana aini buloka kamilia ki ma feree sifi kamilia ki, miki ṉalia bomai sana biu God kamilia, isana wane ni foa ki na keki ra i la biu God kamilia:

³⁷ Miki ṉalia lau bomai do totonao ana kumui mila maemaea kamilia, ma si do miki tona faledaki, ma foee do ki ana ’ai ki sui bana na kera eeta kwailiu, ma ni waene totonao, ma si gwai, isana wane ni foa ki, isana kadee biu ki ana biu God kamilia; ma taṉafula si do ana bali gano kamilia ki sana Lifaete ki, fasi Lifaete eki ifada taṉafula si do eki la toaa susu ki sui boo ana bali gano na miki ra ana ’ili lana theegano iei.

³⁸ Ma wane ni foa eri, kwalafana tha Erono, kai to bia Lifaete ki asi maṉa na Lifaete eki keka ṉalia taṉafula si do ki: ma Lifaete eki keki ṉalia mai taṉafula ana taṉafulee do eki sana biu God kamilia, isana kadee biu eki, isana si kula ni alu lana ogogonia ki.

³⁹ Uria na kwalafaa tha Isirela ma kwalafaa tha Lifae keki ṉalia bomai si do na kera falea asi koni, ma si waene faalu, ma si gwai, isana kadee biu eki, si kula ana kwadee do ki ifana biu abu, ma wane ni foa ki na keka ra, ma toa ni fono toi kalia maethakaa ki, ma toa ni ṉu la: ma ni kamilia e a’i dodoloa mika luka faekwa ana biu God kamilia.