Mathui 1 - Ṉa Alaofua Falu 1923 1949

¹ Ṉa buka ana talisibara sulia tha Jesus Christ, kaluwane tha Defeta, kaluwane tha Aberahamo.

² Tha Aberahamo e tharea tha Aesaka; ma tha Aesaka e tharea tha Jekofo; ma tha Jekofo e tharea tha Juda ma doorana kera;

³ Ma tha Juda e tharea tha Faresi ma tha Sara ani Tama; ma tha Faresi e tharea tha Esiromo; ma tha Esiromo e tharea tha Arama;

⁴ Ma tha Arama e tharea tha Aminadaba; ma tha Aminadaba e tharea tha Nasona; ma tha Nasona e tharea tha Salamona;

⁵ Ma tha Salamona e tharea tha Boasa ani Rehaba; ma tha Boasa e tharea tha Obede ani Rutha; ma tha Obede e tharea tha Jesi;

⁶ Ma tha Jesi e tharea tha Defeta ṉa kiṉa. Ma tha Defeta e tharea tha Solomona ana kini ne totoowane atha Uriasi;

⁷ Ma tha Solomona e tharea tha Roboama; ma tha Roboama e tharea tha Abia; ma tha Abia e tharea tha Asa;

⁸ Ma tha Asa e tharea tha Josafata; ma tha Josafata e tharea tha Jorama; ma tha Jorama e tharea tha Asaia;

⁹ Ma tha Asaia e tharea tha Jothama; ma tha Jothama e tharea tha Ehasi; ma tha Ehasi e tharea tha Esekaia;

¹⁰ Ma tha Esekaia e tharea tha Manasa; ma tha Manasa e tharea tha Amona; ma tha Amona e tharea tha Josaia;

¹¹ Ma tha Josaia e tharea tha Jekonaia ma doorana kera, asi maṉa na luua uri Babilone.

¹² Ma buriana luua uri Babilone, tha Jekonaia e tharea tha Salathila; ma tha Salathila e tharea tha Serababelo;

¹³ Ma tha Serababelo e tharea tha Abiada; ma tha Abiada e tharea tha Elaiakima; ma tha Elaiakima e tharea tha Aso;

¹⁴ Ma tha Aso e tharea tha Sadoko; ma tha Sadoko e tharea tha Akimo; ma tha Akimo e tharea tha Eliada;

¹⁵ Ma tha Eliada e tharea tha Eliesa; ma tha Eliesa e tharea tha Mathana; ma tha Mathana e tharea tha Jekofo;

¹⁶ Ma tha Jekofo e tharea tha Josefa kwaina ni Meri, kini na tha Jesus e futa ania, wane na keki alaṉia ana ṉa Christ.

¹⁷ Mania unii wane eki sui bana too atha Aberahamo ka fula atha Defeta, tee tafulu unii wane fai unii wane; ma too atha Defeta ka fula ana luua uri Babilone, tee tafulu unii wane fai unii wane; ma too ana luua uri Babilone ka fula ana ṉa Christ, tee tafulu unii wane fai unii wane.

¹⁸ Futa lana mai tha Jesus Christ e una eri: Si maṉa na kera lufia naa thainana na ni Meri ifatha Josefa, maṉa kesi abetai keroa u, kera riki nia e iana atha Spirit Abu.

¹⁹ Ma tha Josefa na kwaina, uria nia wane kokoto, me lalakwa ana fatai lana isana toa oro, ka thathamia sa kai luka thaufuni ania.

²⁰ Sui si maṉa nia kai manatatoona si do eki, rikia fasi, angel tha Lord ka fula fatai isana ana moosubolea, ka una eri: Josefa, oe kaluwane tha Defeta, osi mau ana tole lana kwaimu hi Meri isamu: sulia do ne to ani nia, do atha Spirit Abu.

²¹ Ma nia toto kai tharea ta kaluwane; ma oki alaṉia atha JESUS; sulia ni nia ana na kai faamarukia toa nia ki faisia abula taa la kera ki.

²² Ma si do eri sui boo ka mamana naa, fasi keki faamamanea si do na tha Lord e sorea mai ana porofeta, be una eri,

²³ Rikia fasi, thari eri toto kai iana, ma kai tharea ta kaluwane, Ma keka alaṉia atha Emaniuela; ma si ṉata eri e una eri, Tha God bi kulu.

²⁴ Ma tha Josefa ka tae faisia biṉa la nia, ka ade sulaania si do na angel tha Lord e faaroṉo nia ania, ka tolea matha kwaina isana;

²⁵ Ma ka ai si fula isana toto ka tharea tee kaluwane inao; ma nia ka alaṉia atha JESUS.