Luke 3 - Ṉa Alaofua Falu 1923 1949

¹ Sui ana taṉafula fa ṉali ma limana fa ṉali na tha Taibiriasi Sisa e inoto ka tatha, tha Podiasi Paelate e inoto i Judia, ma tha Heroda e kiṉa i Galili, ma doorana na tha Filifi e kiṉa i Ituria ma ana fanua i Takonaetisi, ma tha Laeseniasi e kiṉa i Abilene,

² Si maṉa na tha Anasi ma tha Kaiafasi kero to ana aofia ni foa la, bae lana tha God ka fula isatha Jone kaluwane tha Sakaraiasi la fanua kwasi.

³ Ma nia ka fula i la fanua ni sui kakalia i Jodana, kai ṉata sulia babataesi la ana manata akele la uria doanita la ana abula taa la ki;

⁴ ’Uria si do na kera keda i la buka ana bae lana tha Aisaia ṉa porofeta, be una eri, Liṉana ṉata lana tee wane kei ’ei la fanua kwasi Muki beta tala tha Lord ka kwaimaakwali, Beta tala nia ki ka kokoto.

⁵ Kurua ni sui keki faafuṉua, Ma gwa tolo ni sui ma fanua ni sui ne adataela keki demasia; Ma si kula kekeo kai kokoto, Ma tala eki ne kwakwaruṉaa kai dedema;

⁶ Ma imole ni sui keki rikia marukia tha God.

⁷ Mania nia ka soree isana malului wane na kera lae kau fasi nia ka babataesida, Kamulua kwalafana baekwa i tolo ki, ni tei ne faaroṉo kamulua muki thaka mai faisia rakeiria na kai fula?

⁸ Mania muki fuṉu ana foee do ne farana manata akele la, ma musi thafalii sorea i la ruruumulua, Amilia tha Aberahamo ana maka kamilia: sulia ku soree isamulua, Tha God e thaitoomana tharasi lana wela ki ana fau nei ki ifatha Aberahamo.

⁹ Ma si maṉa eri lau boo kera alua naa matau ka teo naa isana laila ’ai ki: mania ’ai ni sui bana ne ai si fuṉu ana foee do lea, keka kasia, ma keka naṉa ania i la era.

¹⁰ Ma toa eki keka soetoona, keka una eri, Mania si ta na mika ilia?

¹¹ Nia luuda, ka soree isada, Wane ne ana ta ro tooni lalo, kai fale ani nia ne ai ana ta do; ma wane ne ana faṉa, kai ade una eri.

¹² Ma wane ni ṉali lana takisi ki kera fula lau boo uria babataesi lada, ma keka soree isana, Wane ni kwaifamanatai ae, si ta na miki ilia e ai si ei boo?

¹³ Ma nia ka soree isada, Musi suwai nia fale lana si do si tatha ana alu la na kera alu ania ifamulua.

¹⁴ Ma wane ana firua ki lau boo kera soetoona, keka una eri, Ma ni kamilia, si ta na miki ilia e ai si ei boo? Ma nia ka soree isada, Musi faamamadoa ta wane, ma musi banigaura; ma muki seeeno asi do na kera usi kamulua ania.

¹⁵ Ma uria na toa eki kera lio thathai, ma toa na fanua keka onotoona si do i ruruuda sulia tha Jone, mada sa nia ṉa Christ mado e ai;

¹⁶ Tha Jone e luuda, ka soree isada sui, Nau ku babataesi kamulua boo ana kafo; ma tee wane kai lae mai ne sukwai ka tatha iaku, na si kwao ana butu nia ki kwasi farana luke lana: nia kai babataesi kamulua atha Spirit Abu bia era:

¹⁷ Na teteru nia ni abana, ma nia kai faafalu teefau asi kula ni uri lana uita nia, ma nia kai ofua uita uri la biu ni aludo nia; ma efona uita nia kai naarea kai akofia ana era na kesi talaana kwaemaeli lana.

¹⁸ Ma nia ka ṉata sulia si faaroṉoa lea eri ana tei kwaifamanatai la oro lau isana toa eki;

¹⁹ Ma tha Heroda ṉa kiṉa, uria nia sore faamau ania fafia ni Herodiasi kwaina doorana na tha Filifi, ma fafia si do taa ki sui bana na tha Heroda e ilia,

²⁰ Ka safua lau si do eri fafia si do eki sui bana, ka fono faisia tha Jone i la lokafo.

²¹ Ma lalae mai, si maṉa na kera babataesia naa toa eki sui bana, tha Jesus kera babataesia lau boo, me foa, thalo lo ka ifi,

²² Ma tha Spirit Abu e sifo mai ana seena do, ka ’uria bola mela, fafi nia, ma liṉana tee ṉata la too mai thalo lo, ka sorea, Ni oe Kaluwane liliothaua nau; e lea iaku uri oe.

²³ Ma tha Jesus boo fuliṉana ulu tafulu fa ṉali e sui ani nia na manatana imole soso nia kaluwane tha Josefa, kaluwane tha Heli,

²⁴ Kaluwane tha Mathata, kaluwane tha Lifae, kaluwane tha Melaki, kaluwane tha Jana, kaluwane tha Josefa,

²⁵ Kaluwane tha Matathaeasi, kaluwane tha Emosi, kaluwane tha Nehama, kaluwane tha Eseli, kaluwane tha Nagi,

²⁶ Kaluwane tha Meatha, kaluwane tha Matathaeasi, kaluwane tha Semei, kaluwane tha Josefa, kaluwane tha Juda,

²⁷ Kaluwane tha Joana, kaluwane tha Resa, kaluwane tha Serababelo, kaluwane tha Salathila, kaluwane tha Neri,

²⁸ Kaluwane tha Melaki, kaluwane tha Adi, kaluwane tha Kosama, kaluwane tha Elamodama, kaluwane tha A,

²⁹ Kaluwane tha Jose, kaluwane tha Eliesa, kaluwane tha Jorima, kaluwane tha Mathata, kaluwane tha Lifae,

³⁰ Kaluwane tha Simiona, kaluwane tha Juda, kaluwane tha Josefa, kaluwane tha Jonana, kaluwane tha Elaeakima,

³¹ Kaluwane tha Melea, kaluwane tha Menana, kaluwane tha Matatha, kaluwane tha Nethana, kaluwane tha Defeta,

³² Kaluwane tha Jesi, kaluwane tha Obeda, kaluwane tha Boasa, kaluwane tha Salamona, kaluwane tha Nasona,

³³ Kaluwane tha Aminadaba, kaluwane tha Arama, kaluwane tha Esiromo, kaluwane tha Faresi, kaluwane tha Juda,

³⁴ Kaluwane tha Jekofo, kaluwane tha Aesaka, kaluwane tha Aberahamo, kaluwane tha Tira, kaluwane tha Neho,

³⁵ Kaluwane tha Saruka, kaluwane tha Ragau, kaluwane tha Faleka, kaluwane tha Hiba, kaluwane tha Sala,

³⁶ Kaluwane tha Kenana, kaluwane tha Afakisada, kaluwane tha Semo, kaluwane tha Noa, kaluwane tha Lameka,

³⁷ Kaluwane tha Mathusala, kaluwane tha Inoka, kaluwane tha Jareda, kaluwane tha Malelila, kaluwane tha Kenana,

³⁸ Kaluwane tha Inosa, kaluwane tha Setha, kaluwane tha Adam, kaluwane tha God.