Jemesi 5 - Ṉa Alaofua Falu 1923 1949

¹ Lae si mai si maṉa eri, toa na muka rikii do, muki aṉi ma muki isigwau uria taa la kamulua ki na toto kai fula mai fafi kamulua.

² Si do na mulu rikidaki e dura naa, ma tooni kamulua ki wa e ania.

³ Goloda kamulua ma silifa kamulua e bura; ma bura la eri kai faamamanea si do taa suli kamulua, ma kai akofia seemulua ’uria era. Mulu alua si mamulua ogogonia kamulua ki na mulu ofua afa boṉi iisi ki.

⁴ Rikia fasi, foli lana wane ni ra ki na kera kasia oolee do kamulua ki, na mulu lufia faisida ana abula dodora la, ka gagafu: ma gagafu la toa eki na kera kasia na ba e kotho i aliṉana tha Lord ana Omea Baita ki.

⁵ Mulu beta to lamulua i fanua nei iano, ma mulu ilia si do ne faalea kamulua; mulu tharea ruruumulua afa boṉi ana kwaithauṉi la.

⁶ Mulu sorea kwae lana wane kokoto, mulu thauṉi nia; wane eri e ai si suusi kamulua faisi nia.

⁷ Mania liomulua kai susuu, doora kera, maakwalia fula lana ṉa Lord. Rikia fasi, wane ni ra ana oole e maakwalia foee do inoto ki ana theegano, ma liona ka susuu maasia, maasia si maṉa na kai aruṉia ana unii dani totonao ma unii dani buri.

⁸ Ni kamulua lau boo, liomulua kai susuu; muki faaṉadoa ruruumulua: uria na fula lana ṉa Lord e kwaikaraṉi naa.

⁹ Musi uubulu taa kwailiu, doora kera, sulikamulua, ada Wane ni Kotu kai ṉata suli kamulua: rikia fasi, Wane ni Kotu ka takwe i maana maa.

¹⁰ Muki lio, doora kera, uria porofeta ba ki na kera ṉata ana thatana tha Lord, na kera to ana taa la ma kera susuu ania, fasi muki ade ’uria ade lada.

¹¹ Rikia fasi, kulu sorea kai lea iada, toa eki na kera susuu asi do ki: mulu roṉoa si lio ni susuu la tha Joba, ma mulu rikia gwauna tha Lord, na tha Lord ka fuṉu asi lio ni mamasoro la, ma ka kwaitatakomi.

¹² Ma si do ne baita ka tatha, doora kera, musi othi, ana ṉa thalo e ai, ana fanua nei iano ka ai, ma ana atona bana ta si do lau na kera othi ania ka ai lau boo: ma sui iu la kamulua, iu bonaa, ma ai la kamulua, e ai bonaa; fasi e ai kesi sorea kwae lamulua.

¹³ Ta wane i maalutamulua e to ana taa la? wane eri kai foa. Ta wane ka seethathala? wane eri kai kwaia fa ṉu ana taṉo lana tha God.

¹⁴ Ta wane i maalutamulua ka matai? wane eri kai ailia mai ulunao ki ana figua eri; ma keki foa fafi nia; keki gwaia ana ta si gwai ana thatana ṉa Lord:

¹⁵ Ma foa la eri ana fitooa kai faamarukia mataia eri, ma ṉa Lord kai tataea; ma mada se abula taa, keki manata lubea.

¹⁶ Muki faaroṉo kamulua kwailiu ana abula garo lamulua ki, ma muki foa kwailiu uri kamulua, fasi keki faamaruki kamulua. Wane kokoto, ṉata fifi la nia ana foa la, na nia kai ra ania, kai sukwai faamau.

¹⁷ Tha Elaeja wane alafana lau boo ni kulu, ma nia foa sukwai fasi dani si aru mai; ma dani si aruṉia theegano sulia ulu fa ṉali laulau ma ono madami.

¹⁸ Ma ruana e foa lau; ma thalo lo e falea dani, ma theegano ka fuṉu asi foee do nia ki.

¹⁹ Doora kera, mada sa ta wane iamulua kai garo faisia mamana la eri, ma ta wane kai oli fafi nia,

²⁰ Kai thaitoomana, na wane na kai bulasia wane ne abula taa faisia tala kekeo ne garo ania, kai faamarukia maṉona imole faisia maea, ma kai thu fafia abula taa la oro ki.