Jemesi 3 - Ṉa Alaofua Falu 1923 1949

¹ Toa oro iamulua musi thathamii kwaifamanatai, doora kera, uria na muki thaitoomana kwae lakulua kai baita ka tatha.

² Uria asi do oro ki kulu sui kulu taofai kulu. Mada sa ta wane e ai si taofai nia ana bae lana, wane eri e sukwai teefau, ka talaana rau la lau boo fafia seena sui boo.

³ Rikia fasi, kuki alua si oko ana rau la fafia hosi ki i fokoda, fasi keki ade sulia ṉata lakulua, ma kuki akeletania lau boo seeda sui boo.

⁴ Rikia fasi, faka ki lau boo, boro sa kera baita faamau mena, ma kuburu eki ka toea, keki akeletania ana kasi rebee ’ai fafaekwa, ka lae uria atona bana ta si kula na manatana wane ne atho kai thathamia.

⁵ Alafana lau boo meana imole do fafaekwa ana seena, sui ka ṉata naunau faamau. Rikia fasi, si ’ei oro ka tatha na kera soonia ana ta kasi era fafaekwa!

⁶ Ma meana imole na ṉa era: fanua nei iano fuṉu asi abula la na kera lufia na ṉa meana imole i maalutana si do ki na ana seeka, si do na ka faasua seena imole sui boo, ma ka akofia si do ki sui bana na ni kakali kulu ana to lakulua, ma hell ne thafalia era eri.

⁷ Sulaania si do eeta ki sui bana ana do maruki ana fai ae ki ma thaaro ki, ma wa ki ma si do nai la amali ki, wane ki keka faaraoa, ma kera faaraoa sui:

⁸ Ma meana imole e ai ta imole si thaitoomana faarao lana; do taa ne ai si to eno neri, ne fuṉu asi do na ka bubula faamau.

⁹ Asi do eri kulu taṉoa thatana tha God na Maka; ma asi do eri kulu alua taa la kai to fafia wane ki, na kera thauwai kera sulia nuna tha God:

¹⁰ Ana tee fokoe imole eri boo taṉo la ka kotho mai ma ṉata taa la. Doora kera, si do kokoto e ai neri.

¹¹ Ruka mauri kai falea ana tee si kula si kafo gwagwaria ma si kafo ne afae?

¹² Thakwari, doora kera, kai sukwai fasi kai fuṉu ana foana olife, mado faene kai fuṉu ana foana thakwari? kafo amalila sa ka falea kafo gwagwaria ka ai lau boo.

¹³ Ni tei i maalutamulua lione too ma manatane lea? kai fatai nia ana abula lea lana si ra nia ki ana abula marabibi lana liotooa eri.

¹⁴ Ma mada sa uga la baita ma si lio ana firua ni ruruumulua, musi fafaabaita kamulua ma musi susuusia mamana la eri ana lole la.

¹⁵ Liotooa eri do ne sifo mai ia e ai, do fanua nei iano ni bana, do seena imole, do mala spirit taa ki.

¹⁶ Uria na ifei na uga la ma si lio ana firua ni iei, si kula ana bataruta la neri ma asi ade la ne taa ki sui bana.

¹⁷ Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

¹⁸ Ma foee do eri na ṉa kokoto la, keka fasia ana enenoa ifana toa na keki fofolo.