I. Pita 4 - Ṉa Alaofua Falu 1923 1949

¹ Mania, uria na tha Christ e toto ana taa la ana seena imole, ni kamulua muki ṉalia lau boo si lio eri ana rauma kamulua; uria na wane ne toto ana taa la ana seena imole e to faisia abula taa la;

² Fasi asi maṉa na nia kai to u ana seena imole e ai si to lau uria si do eki na wane ki kera thathamia, si do na tha God e thathamia naa na nia kai to uria.

³ Uria na si maṉa oro ki bonaa e sui uria ili lana si thathami la Jenetaele ki, ma uria abula la ana daidei la, si thathami la taa ki, kuu baita la ana waene, malasaole la, semosemo la, ma foa la ni mamagu la ania ana god eeta ki:

⁴ Ma asi do eki manatada sa do ni kwele la ania na musi roo iada ana abula lada si maṉa na seeda ka inoto faamau fafi kera, kera ṉata taa i seemulua:

⁵ Toa na ni nia toto kai soetooda uria, na kai fifarao fasi kai Wane ni Kotu ifana toa maruki ma toa mae ki.

⁶ Sulaania uria si kula eri kera ṉata sulia si faaroṉoa lea eri isana toa eki lau boo na kera mae, fasi Wane ni Kotu e ṉata mena sulida i seena imole mala wane ki, spirit kera kai maruki ana marukia tha God.

⁷ Ma susui lana si do ki sui bana e kwaikaraṉi naa: mania muki manata ni lea la, ma muki inoto ana seemulua uria foa la:

⁸ Si do ne baita ka tatha, muki seemabe faamau ana liothau kwailiu la ani kamulua; sulaania liothau la kai thu fafia abula taa la oro ki:

⁹ Muki thathagoni kamulua mai ana thare lamulua la kwailiu, musi uubulu taa fafia:

¹⁰ Ana ṉali la na mulu ṉalia asi do na kera falea ifamulua, ta wane sulia ṉali la nia ma ta wane sulia ṉali la nia, muki adomi kamulua kwailiu, mala toa fitoo na kera takofaleda asi lea la eeta tha God ki sui bana;

¹¹ Mada sa ta wane kai ṉata, ’uria sa nia ṉata asi ṉata tha God; mada sa ta wane kai ra, kai ra una eri ana sukwaia na tha God kai falea: fasi asi do ki sui bana keki fare inoto atha God atha Jesus Christ, Wane ana ṉa inotoa ma ṉa tooa toto si sui. Emeni.

¹² Toa liliothaua nau ki, musi kwekwele ana unii fualaṉa eri, ne tharafifi ’uria era i maalutamulua fasi kai ilitoomulua, ’uria sa ta do eeta ka fulatoomulua:

¹³ Ma uria na mulu ṉalia tei si ana taa la tha Christ ki, muki seethathala ania; fasi asi maṉa na toto keki fatai nia lau boo inotoa nia, muki bii seethathala ana seethathala la ne baita ka tatha.

¹⁴ Mada sa keka ṉata taa uri kamulua uria thatana tha Christ, kai lea iamulua; uria na Spirit ana inotoa na ṉa Spirit tha God ka to fafi kamulua: ṉi kera keka ṉata taa i seena, ma ni kamulua muka fare inoto ani nia.

¹⁵ Uria e ai si lea sa ta imole iamulua kai to ana taa la uria nia wane ne thauwane, mado wane ne bili, mado wane ne abula taa, mado wane na ka nao asi do tei toa ki lau bana:

¹⁶ Ma mada sa ta wane kai to ana taa la uria nia Christian, seena si noni ania; kai faainotoa tha God ana thata eri.

¹⁷ Uria na si maṉa eri Wane ni Kotu kai thafalii ṉata sulia toa nai biu tha God: ma mada sa do eri kai thafali mai totonao ani kulu, gwauna na ṉa ta, toa eki na kesi ade sulia si faaroṉoa lea tha God?

¹⁸ Ma mada sa faamaruki lana toa kokoto ki e afetai, keki ade ufita ana wane na ka fare faekwa atha God ma wane na ka abula taa?

¹⁹ Mania toa eki na kera to ana taa la sulia si do na tha God e thathamia, keki takofalea maṉoda ana abula lea la ani nia ne thauwai kera ma ka mamana.