I. Korinitha 6 - Ṉa Alaofua Falu 1923 1949

¹ Atona bana ta wane iamulua kai seeraraa fasi, si maṉa manatana e teo ana ta si do uria ta wane ana wane nia ki, kai alaṉi nia ania ana kotu inaofana toa na kesi kokoto, ma inaofana toa abu ki e ai?

² Musi thaitoomana na toa abu ki toto keki wane ni kotu ki ana ṉata la sulia toa na fanua nei iano? sui mada sa ni kamulua muki wane ni kotu ki ana toa na fanua nei iano, nifenia ade lana na musi farana ṉata la mala wane ni kotu sulia kasi do fafaekwa ki?

³ Musi thaitoomana toto kuki wane ni kotu ki ana ṉata la sulia aini angel ki? sui kusi farana asia naa ṉata la mala wane ni kotu sulia si do fanua nei iano ki?

⁴ Sui mada sa amulua tei si do ana fanua nei iano na wane ni kotu kai ṉata sulia, toa na kera fare faekwa iada i la figua muki alua ana wane ni kotu kamulua ki?

⁵ Nau ku ṉata una eri fasi kwa faaseenoni kamulua. Una eri too, na kera dora ana rofetoona lana i maalutamulua ta tee nonii wane mena na lione too, na kai talaana ṉata la mala wane ni kotu i maalutana doorana kera,

⁶ Ma doora kai alaṉia doorana ana kotu ana ta si do, ma inaofana toa fitala na kera ilia?

⁷ Si maṉa eri mena do mulu ade garo faamau ania neri, na mulu alaṉi kamulua kwailiu ana kotu asi do ki. Uria ta ne ai musi alamatanida mena keka abula taa iamulua? uria ta ne ai musi alamatanida mena keka abula dodora?

⁸ Ma ni kamulua na mulu abula taa, na mulu abula dodora, ma dooramulua kera na mulu ilia iada.

⁹ Mado musi thaitoomana na toa na kesi kokoto ki e ai kesi fulatoona tooa tha God? Musi tala lole kamulua i talaamulua: toa na kera oe, mado toa na kera foa ana god eeta ki, mado toa na kera oe fafia kwaida, mado wane ki na kera ’uria kini keka faaalamai kera ifana wane, mado wane ki na kera oe lau bada uri kera i talaada,

¹⁰ Mado toa na kera bili, mado toa na kera thathamia si do ta wane, mado toa na kera kukuu ka bula kera, mado toa na kera ṉata taa, mado toa na kera abula dodora, e ai dodoloa keki fulatoona tooa tha God.

¹¹ Ma tei toa iamulua mulu una eri inao: ma sui kera faasiufi kamulua, ma sui kera faaabu kamulua, ma sui kera ala fafia kokoto la kamulua, ana thatana tha Lord Jesus, ma ana Spirit God kulu.

¹² Kera alamatania si do ki sui iaku; ma do eki sui boo e ai si kwaiadomi. Kera alamatania si do ki sui iaku; sui nau ku lalakwa ada ta do si inoto ani nau.

¹³ Si do ana faṉa ki ifana rakena imole, ma rakena imole ifana si do ana faṉa ki: sui tha God toto kai faaaia rakena imole ma si do ana faṉa ki lau boo. Ma seena imole do ifana oe la e ai, do ifana ṉa Lord neri; ma ṉa Lord ifana seena imole:

¹⁴ Ma tha God e tataea ṉa Lord, ma kai tatae kulu lau boo ana sukwaia nia.

¹⁵ Musi thaitoomana na seemulua na ṉa do ana seena tha Christ ki? sui kwai ṉalia si do na ana seena tha Christ ki, kwai ilia keki do ki na ana seena kini na kai oe? Si do ka ai neri.

¹⁶ Mado musi thaitoomana sulia wane na kai to ania kini na kai oe na nia tee seedo bia kini eri? uria ni nia e sorea, Keroa keko tee see imole naa.

¹⁷ Ma ni nia na ka to ana ṉa Lord keroa tee Spirit naa.

¹⁸ Muki thaka faisia oe la. Abula taa la ki sui boo na wane kai abula taa ania ka to mai i thara faisia seena; ma nia na kai oe kai abula taa iana seena i talaana.

¹⁹ Mado musi thaitoomana na seemulua na biu tha Spirit Abu na kai to ani kamulua, na mulu ṉali nia ita mai atha God? ma kamulua do kamulua i ta laamulua e ai;

²⁰ Uri na kera usi kamulua: mania muki faainotoa tha God ana seemulua, ma ana spirit kamulua, sulaania ro do eki do tha God ki.