I. Jone 4 - Ṉa Alaofua Falu 1923 1949

¹ Toa liliothaua nau ki, musi fitoona spirit ki sui bana, muki ilitoona spirit eki, sa mado e ai kera do tha God ki: uria na porofeta oro na kesi mamana ki kera lae kau uri la fanua nei iano.

² Asi kula eri kuki thaitoomana Spirit tha God: atona bana ta spirit na ka faamamanea na tha Jesus Christ e fula mai i seena imole, nia do tha God:

³ Ma atona bana ta spirit ne ai si faamamanea na tha Jesus Christ e fula mai i seena imole, do tha God e ai: ma spirit maalimae tha Christ neri, na mulu roṉoa na ka lae mai; ma si maṉa eri e fula bonaa i fanua nei iano.

⁴ Kamulua do tha God ki, kala wela ki, ma si kamulua ka tatha ani kera: sulaania nia na ka to ani kamulua e baita ka tatha ani nia na ka to ana fanua nei iano.

⁵ Kera do fanua nei iano ki: mania kera ṉata sulia fanua nei iano, ma fanua nei iano ka roṉo kera.

⁶ Kulu do tha God ki: wane ne thaitoomana tha God ka roṉo kulu; wane ne ai si thaitoomana tha God ka ai si roṉo kulu. Asi kula eri kulu thaitoomana spirit ana mamana la, ma spirit ana tole garo la.

⁷ Toa liliothaua nau ki, kuki liothau kwailiu ani kulu: uria na liothau la do tha God; ma ni tei na kai liothau e futa atha God, ma ka thaitoomana tha God.

⁸ Wane ne ai si liothau e ai si thaitoomana tha God; uria na tha God na ṉa liothau la.

⁹ Asi kula eri kera fatai nia liothau la tha God uri kulu, na tha God e arasia mai tee fa Kaluwane nia uria fanua nei iano, fasi kuka maruki ani nia.

¹⁰ Liothau la ka to fatai asi kula eri, na ni kulu kulu liothau atha God e ai, ni nia e liothau ani kulu, me arasia mai Kaluwane nia, wane na ka dianalio uria abula taa la kulu ki.

¹¹ Toa liliothaua nau ki, mada sa tha God e liothau una eri iakulua, e kokoto na ni kulu lau boo kuki liothau kwailiu ani kulu.

¹² E ai ta wane si rikia tha God ana ta si maṉa: mada sa kuka liothau kwailiu ani kulu, tha God ka to ani kulu, ma liothau la nia kai sukwai teefau ani kulu:

¹³ Asi kula eri kulu thaitoomana na kulu to ani nia, ma ni nia ani kulu, sulaania nia e falea ta si ana Spirit nia ifakulua.

¹⁴ Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

¹⁵ Ni tei bana na kai faamamanea na tha Jesus e Kaluwane tha God, tha God ka to ana wane eri, ma wane eri atha God.

¹⁶ Ma kulu thaitoomana ma kuka fitoona naa liothau la eri na ni isatha God uri kulu. Tha God na ṉa liothau la; ma wane na ka to ana liothau la e to atha God, ma tha God ka to ani nia.

¹⁷ Asi kula eri kera faasukwai teefau ana liothau la i ruruukulua, fasi kuki seeraa afa boṉi eri ana kotu baita; sulaania talafani nia, alafana ni kulu i fanua nei iano.

¹⁸ E ai ta mau la ana liothau la: ma liothau la ne sukwai teefau ka suia kau mau la, uria na mau la ka kwae fifi; ma wane na ka mau, e ai kesi faasukwai teefau ani nia ana liothau la.

¹⁹ Kulu liothau, uria ne liothau ani kulu totonao.

²⁰ Mada sa ta wane ka sorea, Nau ku liothau atha God, ma ka rikia doorana ka taa, wane eri kai lole: sulaania wane ne ai si liothau ana doorana ne rikia naa, nifana ade lana fasi kai liothau atha God ne ai si rikia?

²¹ Ma si ṉata fifi eri ni isakulua ita mai ani nia, na wane na ka liothau atha God kai liothau lau boo ana doorana.