II. Korinitha 9 - Ṉa Alaofua Falu 1923 1949

¹ Uria na sulia ra eri ifana toa abu ki, doanita sa mado e ai kwai kekeda isamulua:

² Uria nau ku thaitoomana na mulu fifarao ania, do nau ku faabaita nau ania uri kamulua isana toa i Masedonia, na tee fa ṉali e sui ana fanua i Akaia maṉa mulu fifarao naa; ma seemabea kamulua eri e faara toa oro iada.

³ Una ena mena, nau ku arasia kau doorakalua eki, fasi e ai kesi faaaia si do eri na mili faabaita kamilia ania uri kamulua; fasi, ’uria nau ku sorea naa, muki fifarao:

⁴ Ada mado e ai, mada sa tei toa i Masedonia keki fula bi nau, ma keki fulatoomulua na musi fifarao, keka faaseenoni kamilia (fasi kwasi sorea keka faaseenoni kamulua) sulia takofale la eri.

⁵ Mania manataku na do kwai ilia e ai si ei boo kwai ṉata kwaitakoi isana doorakulua eki, kwai sorea keki tatha inao uria isamulua, keki ofua totonao si do eri na mulu alaṉai sui naa muki tona falea, fasi do eri kai thathai, ’uria do muki tona falea, me ai si ’uria do kera suuwai kamulua uria fale lana.

⁶ Ma si do ku sorea neri, Wane na kai fasi ununa kai kasi ununa lau boo; ma wane na kai fasi oro kai kasi oro lau boo.

⁷ Ni tei na kai ilia kai ilia si do ne tooa ana manatana; si do nia lalakwa e ai, mado si do keki suuwai nia uria ka ai: uria na tha God kai liothau ana wane na kai seethathala asi do nia tona falea.

⁸ Ma tha God e talaana fale lana lea la ni sui kai oro ifamulua; fasi ni kamulua, uria na muki rikia ṉado si do ki sui ne faramulua, muki seemabe faamau asi ra lea ki sui bana:

⁹ ’Uria hera keda, Nia e u tataka, e falea si do ki ifana toa na kesi rikii do; Kokoto la nia kai toto si sui.

¹⁰ Ma nia ne falea foee do ki ana wane ni afusi lana, kai falea berede ana faṉa la kamulua, ma kai faafuṉua foee do na muki afusia, ma kai safua foana kokoto la kamulua:

¹¹ Muki rikii do asi do ki sui bana fasi muki tona falea do oro, do na kai ilia na keki sore lea talea tha God ani kulu.

¹² Uria ili lana ra eri sa ka talaana talitoona bana fale lana si do na toa abu eki kera rofedaki e ai, kai faalea faanau tha God lau boo uria si sore lea la oro ki na keka falea ifana;

¹³ Uria na sulaania kera ilitoomulua asi ra eri, keki taṉoa tha God uria na muka ade sulia si do na mulu faamamanea sulia si faaroṉoa lea tha Christ, ma uria na muka tona fale baita ifada ma ifana toa eri sui;

¹⁴ Si maṉa ni kera lau boo keki foa uri kamulua, ma keki thathami kamulua faamau, sulia lea la babaita tha God na ni ani kamulua.

¹⁵ Sore lea la ifatha God maana si do ne tona falea na ṉata lana imole si sukwai ana faaroṉo la ania.