II. Korinitha 1 - Ṉa Alaofua Falu 1923 1949

¹ Polo, aposela tha Jesus Christ asi do na tha God e thathamia, ma doorakulua na tha Timothi, isana figua tha God nai Korinitha, bia toa abu eki sui bana na kera to i fanua i Akaia ni sui:

² Lea la iamulua ma enenoa ita atha God na Maka kulu ma atha Lord Jesus Christ.

³ Keki taṉoa thatana tha God na Maka ṉa Lord kulu tha Jesus Christ, Maka na kai kwaitatakomi ma God na kai faainamaruki kulu sui boo;

⁴ Na kai faainamaruki kulu ana taa la eki sui bana na kulu to ania, fasi ni kulu kuki talaana faainamaruki lana toa na kera to ana atona bana ta taa la, ana inamaruki la eri na tha God e faainamaruki kulu ania i talaakulua.

⁵ Uria talafana taa la eki na tha Christ e toto ania ka oro ani kulu, alafana lau boo keki faainamaruki kulu faamau atha Christ.

⁶ Ma mada sa mili to ana taa la, do uria faainamaruki lamulua la neri ma faamaruki lamulua; na kai mamana si maṉa na muki susuu ana taa la eki boo na ni kamilia lau boo mili susuu ania: ma mada sa kera faainamaruki kamilia, do uria faainamaruki lamulua la neri ma faamaruki lamulua:

⁷ Ma si do mili manatatoo ṉado ania uri kamulua miki maakwalia mamana boo; uria na miki thaitoomana na, talafana mulu ṉalia ta si ana taa la eki, alafana lau boo muki ṉalia ta si ana faainamaruki la eri.

⁸ Uria na mili lalakwa sa muki dora ania, doora kera, maalutana taa la kamilia eri ne fula fafi kamilia i Asia, na do eri e kulua faamau fafi kamilia ka tatha asi do na mili talaana, adedea mika sorea ne ai misi maruki bonaa:

⁹ Iu, ni kamilia manatamilia i talaamilia sa miki mae, fasi e ai misi tala fitoomilia i talaamilia, miki fitoona tha God na kai tataea toa mae ki:

¹⁰ Ne lau kamilia faisia mae la baita eri, ma kai lau kamilia: na mika manatatoo ṉado uri nia na nia kai lau kamilia ṉado lau boo faisia;

¹¹ Ni kamulua lau boo muki ra ofu, muki adomi kamilia ana ṉata fifi la ana foa la; fasi, maana si do na keki tona falea ifamilia sulaania toa oro, toa oro keki sore lea uri kamilia.

¹² Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

¹³ Uria ne ai misi keda tei do isamulua ne eeta lau faisia si do ba ki na mulu teteemai nia, mado mulu faamamanea, ma nau ku manatatoo ṉado uri kamulua na muki faamamanea ka fula ana susui la:

¹⁴ ’Uria lau boo mulu suka faamamane kamilia; na kamilia do muki faabaita kamulua ania, talafamulua lau boo kamulua do na miki faabaita kamilia ania, afa boṉi tha Lord Jesus.

¹⁵ Ma sulaania nau ku faamamanea si kula eri, manataku inao sa kwa fula isamulua totonao, fasi amulua lau ta lea la;

¹⁶ Ma faisi kamulua sa kwa tatha uri Masedonia, ma sui faisia Masedonia kwa oli lau kau isamulua; ma sa kamulua muka adomi nau ana lae laku kau uri Judia.

¹⁷ Mania si maṉa na manataku e una eri, ku toto ana ro si lio? mado si do eki na nau ku thathamii ilia, ku thathamia sulia seena imole, fasi akua ro si ṉata, iu, iu, ma e ai, e ai?

¹⁸ Ma ’uria tha God ka mamana, ṉata lamilia isamulua e ai si una eri, Iu, ma e ai.

¹⁹ Uria na Kaluwane tha God, tha Jesus Christ, na kamilia mili ṉata sulia i maalutamulua, kamilia tha Silafenasi ma tha Timothiasi, manatana si rurua ana iu ma e ai, ani nia iu.

²⁰ Sulaania alaṉaia tha God ki ka oro ka tatha mena, iu eri ni ani nia: mania ṉa Emeni ni lau boo ani nia, uria taṉo lana tha God ani kulu.

²¹ Ma ni nia na kai faaṉado kamilia bi kamulua atha Christ, ne kiki kulu ana gwai, na tha God;

²² Ne faaṉado kulu lau boo ana do ni faaṉado la, me falea thafali lana si do lea ki, na tha Spirit i ruruukulua.

²³ Ma nau ku ’ai ana thatana tha God kai faamamanea si do nia thaitoomana suli nau, ne to i ruruuku, na fasi kwa suusia taa la faisi kamulua ku lalakwee lae kau uri Korinitha.

²⁴ Uria e ai misi inoto ana fitooa kamulua, mika kwaiadomi ana seethathala la kamulua: sulaania ana fitooa muki takwe.