III. Jone 1 - Ṉa Alaofua Falu 1923 1949

¹ Wane ulunao isatha Gaiasi, wane lilothaua nau, na nau ku liothau mamana boo ani nia.

² Wane liliothaua nau, nau ku thathamia to lamu kai lea asi do ki sui bana, ’uria lau boo maṉomu ka to ni lea la.

³ Uria nau ku seethathala faamau, si maṉa na tei toa ana doorakulua kera lae mai ma kera faamamanea si do kera thaitoomana sulia mamana lamu, talafana o abula ana mamana la eri.

⁴ E ai ta do si faaseethathala nau ka tatha asi do eri, roṉo la sulia baree wela nau na keka abula ana mamana la.

⁵ Wane liliothaua nau, ra mamana no ilia asi do ki sui bana no ilidaki ifana toa na doorakulua ki ma toa kwaita ki lau boo;

⁶ Na kera faamamanea si do kera thaitoomana sulia liothau la oe isana ṉa figua: toa noki abula lea si maṉa noki adomida kau sulia laea kera ana adomi la ne farana tha God:

⁷ Uria na inunufana Thata eri kera lae kau, ma kesi ṉalia ta si asi do Jenetaele ki.

⁸ Mania e kokoto na kuki thathagonia mai toa una eki, fasi kuki ra ofu bia mamana la eri.

⁹ Ku keda naa ṉadee si do isana figua eri: ma sui tha Diotirifisi, ne thathamia kai inoto ka tatha i maalutada, e ai si thathagoni kamilia.

¹⁰ Mania, mada sa kwa fula, kwai faaroṉo kera lau ania, keki manatatoona ra nia ki ne ilia, ka ṉata gaugau suli kamilia asi baea taa: ma talitoona do eri e ai, ni nia e ai si thathagonia doorakulua eki, ma toa na kera thathamii ilia nia lufida, ma ka suida kau faisia ṉa figua.

¹¹ Wane liliothaua nau, osi adede ’uria si ade la no rikia ne taa, oki ade ’uria ade la no rikia ne lea. Wane na ka abula lea, do tha God nania: wane na ka abula taa e ai si rikia boo tha God.

¹² Tha Demetiriasi ana faamamane lana toa eri sui boo na kera thaitoomana, ma faamamane lana mamana la eri talani nia: iu, kamilia lau boo mili faamamanea si do mili thaitoomana; ma mulu thaitoomana faamamane la kamilia e mamana.

¹³ Do oro e to isaku kwai keda kau isamu, sui ku lalakwee keda isamu ana kafo ni kekeda la ma asi ’ei ni kekeda la:

¹⁴ Ma sui ku manatatoo ṉado na nau kwai mala riki oe, ma koki rikia maakoroa, koki ṉata.

¹⁵ Enenoa kai to ani oe. Toa na kera ado bi kulu kera thathamia kwai ṉata isamu ’uria sa ni kera keki ṉata. Oki ’ai thatana toa na kera ado bi kulu, oki ṉata isada ’uria sa ni nau ku ṉata.