GENESIS 36 - Ṉa Alaofua Falu 1923 1949

¹ Ma si ade la ne ita mai atha Iso, na kera alaṉia thatana atha Idomo, nai nia.

² Tha Iso e tolea ai nia ki ana thari i Kenana ki; ni Eda, thari Hitaete eri na tha Ilono, ma ni Aolibama, thari ni Ana, thari Haefaete eri na tha Sibiono;

³ Ma ni Basimata na thari tha Isimela, waiwaena tha Nebaioto.

⁴ Ma ni Eda e tharea tha Elifasa ifatha Iso; ma ni Basimata e tharea tha Ruele;

⁵ Ma ni Aolibama e tharea tha Jiusa, ma tha Jalama, ma tha Kora: kaluwane tha Iso ki neri, ne kwalafia i la fanua i Kenana.

⁶ Ma tha Iso e talaia ai nia ki, ma kaluwane nia ki, ma thari nia ki, ma toa eki sui bana na i maafera nia, ma katele nia ki, ma aini do maruki nia ki ni sui bana, ma ogogonia nia sui boo ne todadaki la fanua i Kenana; ka lae uria ta fanua eeta faisia maana thasina na tha Jekofo.

⁷ Uria na ni keroa kero rikiido, ma kesi talaana to ofu la; ma fanua eri na kero to ni laea iei e a’i si talaadaroa sulia katele keroa ki.

⁸ Ma tha Iso e to bana i la gwa tolo i Sia: tha Idomo na tha Iso.

⁹ Ma si ade la ne ita mai atha Iso ṉa maka Idomaete ki i la gwa tolo eri i Sia, nai nia:

¹⁰ Thatana kaluwane tha Iso ki nai nida; tha Elifasa kaluwane ni Eda na kwaina tha Iso, tha Ruele kaluwane ni Basimata na kwaina tha Iso.

¹¹ Ma kaluwane tha Elifasa ki tha Timani, tha Oma, tha Sifo, ma tha Gatama, ma tha Kinasi.

¹² Ma ni Timina e ofu bia tha Elifasa kaluwane tha Iso; ma nia ka tharea tha Amaleke ifatha Elifasa: kwalafana ni Eda na kwaina tha Iso neri.

¹³ Ma kaluwane tha Ruele ki nai nida; tha Nahata, ma tha Sira, tha Sama, ma tha Misa: kwalafana ni Basimata na kwaina tha Iso neri.

¹⁴ Ma kaluwane kwaina tha Iso na ni Aolibama thari ni Ana thari tha Sibiono, nai nida: ma nia ka tharea tha Jiusa ifatha Iso, ma tha Jalama, ma tha Kora.

¹⁵ Arai ki ana kwalafana tha Iso nai nida: kwalafana kaluwane ulunao tha Iso na tha Elifasa; arai eri na tha Timani, arai eri na tha Oma, arai eri na tha Sifo, arai eri na tha Kinasi.

¹⁶ Arai eri na tha Kora, arai eri na tha Gatama, arai eri na tha Amaleke; arai eki neri na kera ita mai atha Elifasa i la fanua i Idomo; kwalafana ni Eda neri.

¹⁷ Ma kaluwane tha Ruele na kaluwane tha Iso nai nida; arai eri na tha Nahata, arai eri na tha Sira, arai eri na tha Sama, arai eri na tha Misa: arai eki na kera ita mai atha Ruele i la fanua i Idomo neri, na kwalafana kwaina tha Iso na ni Basimata.

¹⁸ Ma kaluwane kwaina tha Iso na ni Aolibama nai nida; arai eri na tha Jiusa, arai eri na tha Jalama, arai eri na tha Kora: arai eki neri na kera ita mai ana kwaina tha Iso na ni Aolibama na thari ni Ana.

¹⁹ Kwalafana tha Iso, na kera alaṉia atha Idomo, ma arai kera ki neri.

²⁰ Kaluwane tha Sia na Horaete na kera to bada i fanua eri nai nida; tha Lotana, ma tha Sobali, ma tha Sibiono, ma tha Ana,

²¹ Ma tha Disono, ma tha Isa, ma tha Disana: wane eki na ṉa arai Horaete ki, na kwalafana tha Sia i la fanua i Idomo.

²² Ma ro kaluwane tha Lotana na tha Hori ma tha Himama; ma waiwaena tha Lotana na ni Timina.

²³ Ma kwalafana tha Sobali nai nida; tha Alafani ma tha Manatha, ma tha Ibali, tha Sifo, ma tha Onama.

²⁴ Ma ro kaluwane tha Sibiono nai nida, tha Aja ma tha Ana: Ana eri neri ne fulatoona ruka‐mauri eki ana kafo aako i la fanua kwasi si mana ba ne tharea ase ki maka nia na tha Sibiono.

²⁵ Ma kwalafana tha Ana nai nidaroa; tha Disono, ma ni Aolibama na thari ni Ana.

²⁶ Ma kwalafana tha Disono nai nida; tha Hemadana, ma tha Esebana, ma tha Irana, ma tha Serana.

²⁷ Kwalafana tha Isa nai nida; tha Bilana, ma tha Safana, ma tha Akana.

²⁸ Kwalafana tha Disana nai nidaroa; tha Asa, ma tha Arana.

²⁹ Arai eki na kera ita mai ana Horaete ki nai nida; arai eri na tha Lotana, arai eri na tha Sobali, arai eri na tha Sibiono, arai eri na tha Ana,

³⁰ Arai eri na tha Disono, arai eri na tha Isa, arai eri na tha Disana: arai eki neri na kera ita mai atha Hori imaalutana arai kera ki la fanua i Sia.

³¹ Ma kiṉa ki nai nida na kera gwauwai i la fanua i Idomo, si maṉa ne a’i u ta kiṉa si gwauwai fafia kwalafaa tha Isirela ki.

³² Ma tha Bila na kaluwane tha Bio e gwauwai i Idomo: ma thatana toaa susu nia i Dinaba.

³³ Ma tha Bila e mae, ma tha Jobaba, kaluwane tha Sira i Bosara, ka tae fuli ani nia.

³⁴ Ma tha Jobaba e mae, ma tha Husama i la fanua i Timani ka tae fuli ani nia.

³⁵ Ma tha Husama e mae, ma tha Hadada kulawane tha Bidada, ne kwaea toa i Midiana i la fanua i Moaba, ka tae fuli ani nia: ma thatana toaa susu nia i Afiti.

³⁶ Ma tha Hadada e mae, ma tha Sala i Masarika ka tae fuli ani nia.

³⁷ Ma tha Sala e mae, ma tha Solo, i Riobotho na ni karaṉia kafo baita eri, ka tae fuli ani nia.

³⁸ Ma tha Solo e mae, ma tha Bealana kaluwane tha Akabo ka tae fuli ani nia.

³⁹ Ma tha Bealana kaluwane tha Akabo e mae, ma tha Hada ka tae fuli ani nia: ma thatana toa susu nia i Bau; ma thatana kwaina na ni Metabelo, thari ni Matareta, thari tha Mesaba.

⁴⁰ Ma thatana arai eki na kera ita mai atha Iso, sulia ina lana toa kera ki, sulia fanua kera ki, ma sulia thatada, nai nida; arai eri na tha Timina, arai eri na tha Alafa, arai eri na tha Jeteta,

⁴¹ Arai eri na tha Aolibama, arai eri na tha Ila, arai eri na tha Binono,

⁴² Arai eri na tha Kinasi, arai eri na tha Timani, arai eri na tha Misa,

⁴³ Arai eri na tha Madiele, arai eri na tha Irama: arai i Idomo ki neri, sulia fanua na kera to mai iei ki la fanua kera u boo: tha Iso neri, maka totonao Idomaete ki.