GENESIS 10 - Ṉa Alaofua Falu 1923 1949

¹ Si ade la ne ita mai ana ulu kaluwane tha Noa ki nia nia, atha Semo, ma tha Hamu, ma tha Jefeta: ma kera kwalafia kaluwane kera ki buriana olo lana kafo eki fafia fanue.

² Kaluwane tha Jefeta ki nai nida; tha Goma, ma tha Megogo, ma tha Medai, ma tha Jefana, ma tha Tubala, ma tha Misaka, ma tha Tirasi.

³ Ma kaluwane tha Goma ki na tha Asakinasi, ma tha Rifata, ma tha Togama.

⁴ Ma kaluwane tha Jefana ki na tha Ilaesa, ma tha Tasisi, tha Kitimu ma tha Dodanimu.

⁵ Ana wane eki kera toliṉia auua Jenetaele ki i fanua kera ki; sulia ṉata lada ne eeta kwailiu, ma ina lada, ana kulee toa kera ki.

⁶ Ma kaluwane tha Hamu ki nai nida, tha Kasa, ma tha Misiremu, ma tha Fata, ma tha Kenana.

⁷ Ma kaluwane tha Kasa ki na tha Siba, ma tha Hafila, ma tha Sata, ma tha Rama, ma tha Sateka: ma ro kaluwane tha Rama na tha Siba ma tha Didani.

⁸ Ma tha Kasa e tharea tha Nimiroto: nia ka thafalii ade mala wane rigita i fanua ne i iano.

⁹ Wane eri e rigita uria basi lana do kwasi ki inaofatha Jihova: mania keka una eri, E ’uria tha Nimiroto, na wane rigita uria basi lana do kwasi ki inaofatha Jihova.

¹⁰ Ma thafali lana tooa nia i Bebelo, ma Ireka, ma Akata, ma Kane, i la fanua i Saena.

¹¹ E lae faisia fanua eri, ka fula i Asiria, ka thauwai nia Ninifa, ma toaa susu i Riobotho ma Kala,

¹² Ma Risena imaalutana i Ninifa ma i Kala: toaa susu eri na ṉa toaa baita ka tatha.

¹³ Ma tha Misiremu e tharea tha Lutimu, ma tha Anamimu, ma tha Liabimu, ma tha Natuimu.

¹⁴ Ma tha Pathusimu, ma tha Kasaluimu (Filisitimu e ita mai ana wane eri), ma tha Katorimu.

¹⁵ Ma tha Kenana e tharea kaluwane totonao nia na tha Saedona, ma tha Heta;

¹⁶ Ma Jebusaete ki, ma Amoraete ki, ma Gagasaete ki,

¹⁷ Ma Haefaete ki, ma Akaete ki, ma Saenaete ki,

¹⁸ Ma Afataete ki, ma Semaraete ki, ma Hemathaete ki: ma iburi kulee toa eki tha Kenana keka lae tathaa uria fanua oro ki.

¹⁹ Ma oli lana fanua Kenanaete ki ka thafali mai Saedona, lalae ka fula i Gira, sui ka lae uria Gasa; lalae ka fula i Sodomo ma Gomora, ma Atama, ma Seboimu, kai lae tathaa uri Lasa.

²⁰ Kaluwane tha Hamu ki neri sulia ina lada, ma ṉata lada ne eeta kwailiu, i fanua kera ki, ma i kulee toa kera ki.

²¹ Tha Semu lau boo, maka totonao kwalafaa tha Iba ki sui boo, ulunao tha Jefeta, ni nia e tharea wela nia ki.

²² Kwalafaa tha Semo nai nida; tha Ilama, ma tha Ase, ma tha Afakasita, ma tha Lata, ma tha Arama.

²³ Ma kwalafaa tha Arama nai nida, tha Asa, ma tha Hala, ma tha Githa, ma tha Masa.

²⁴ Ma tha Afakisata e tharea tha Sala; ma tha Sala e tharea tha Iba.

²⁵ Ma tha Iba e kwalafia ro kaluwane nia ki: thatana ulunao na tha Pileke; uria na afa boṉi nia ki fanua ne i iano ka mu, ka to bana ana ro bali fanua; ma thatana thasina na tha Jokitana.

²⁶ Ma tha Jokitana e tharea tha Amodada, ma tha Silefe, ma tha Hesamafeta, ma tha Jira;

²⁷ Ma tha Hatorama, ma tha Asala, ma tha Dikila,

²⁸ Ma tha Obala, ma tha Abimaele, ma tha Siba,

²⁹ Ma tha Ofa, ma tha Hafila, ma tha Jobabu; wane nei ki sui boo na kaluwane tha Jokitana.

³⁰ Ma oli lana fanua na kera to mai iei ka ita mai i Misa, lalae ka fula i Sefa, tee gwa tolo ibali tae lana thato.

³¹ Kaluwane tha Semo ki neri, sulia ina lada, ma sulia ṉata lada ne eeta kwailiu, i fanua kera ki, ma sulia kulee toa kera ki.

³² Kwalafana kaluwane tha Noa ki neri, sulia talisibaraa kera ki, ana kulee toa kera ki: ma sulia wane nei ki kera toliṉia fanua ne i iano ifana kulee toa eki, buriana olo lana kafo eki fafia fanue.