Galesia 3 - Ṉa Alaofua Falu 1923 1949

¹ Toa oewanea nai Galesia, ni tei e faagaroa manatamulua ana spirit taa, fasi musi ade sulia mamana la eri, kamulua na kera fatai nia tha Jesus Christ ne to lalaa sulia ’ai rarafolo ba inaofana maamulua?

² Tee si do boo ku thathamia muki faaroṉo nau mania, Mulu ṉalia tha Spirit uria si ra ana ṉa lo ki, mado uria si do na mulu roṉoa ana fitooa?

³ Oewanea lamulua neri? mulu thafali mai atha Spirit, sui seena imole na kera faasukwai teefau ani kamulua ania si maṉa eri?

⁴ Taa le oro ba ki na mulu toto ania tonee do ni bana? mada se mamana tonee do ni boo.

⁵ Mania ni nia ne falea tha Spirit ifamulua, ma ka ra i maalutamulua asi ra baita ki imole si ilia, uria si ra ana ṉa lo ki na ka ilia, mado uria si do na mulu roṉoa ana fitooa?

⁶ ’Uria lau boo tha Aberahamo e fitoona tha God, ma kera alua si do eri ifana uria kokoto la.

⁷ Mania muki thaitoomana na toa ana fitooa, toa eki kaluwane tha Aberahamo ki.

⁸ Ma kekeda la abu eri, ne thaitoomana totonao na tha God kai ala fafia kokoto la Jenetaele ki uria fitooa, e ṉata totonao sulia si faaroṉoa lea isatha Aberahamo, ka una eri, Keki alua lea la ifana kulee toa ni sui bana ani oe.

⁹ Mania toa eki ana fitooa kai lea iada ofu bia tha Aberahamo, wane eri ne fitoo.

¹⁰ Uria na toa eki sui boo na kera lio uria si ra ana ṉa lo ki, taa la ni fafida: uria na kera keda, Taa la kai to fafia ni tei ne ai si to ṉado asi do eki sui bana na kera keda i la buka ana ṉa lo, fasi kai ilia.

¹¹ Sui do fatai neri, na ṉa lo e ai si ala fafia kokoto la ta wane inaofatha God, sulaania, Wane kokoto kai maruki uria fitooa;

¹² Ma ṉa lo do ana fitooa e ai; Wane na kai ilia si do eki kai maruki inunufana.

¹³ Tha Christ e tae faisi kulu faisia taa la eri ne toto fafi kulu sulia ṉa lo, sulaania taa la e toto fafi nia uri kulu: uria na kera keda, Taa la kai to fafia ni tei na kai taru sulia rebee ’ai:

¹⁴ Fasi lea la ba tha Aberahamo kai fula fafia Jenetaele ki atha Jesus Christ; fasi kuki ṉalia alaṉaia eri na tha Spirit ana fitooa.

¹⁵ Doora kera, ku ṉata ana ṉata lana wane ki: Boro sa alaofua wane ni mena e kania, una ena mena, si maṉa kera faaṉadoa naa, e ai ta imole si faaaia, mado si keda ta si lau bia.

¹⁶ Sui tha Aberahamo ana kera ṉata sulia si alaṉaia eki ifana, ma ifana kwalafana. E ai si sorea, Ifana kwalafana ki, ’uria sa wane oro ki; ma ’uria sa sulia tee nonii wane, Ma ifana kwalafamu, ma kwalafa eri na tha Christ.

¹⁷ Ma si do eri ku sorea; Alaofua na tha God e faaṉadoa totonao atha Christ, ṉa lo, ne fula mai fai taleṉee fa ṉali ma ulu tafulu fa ṉali iburiana, e ai si lukea, fasi kai faaaia alaṉaia eri.

¹⁸ Sulaania mada sa kera fulatoona si do eri ana ṉa lo, do sulia alaṉaia eri e ai: ma tha God e alamatania ifatha Aberahamo sulia alaṉaia eri.

¹⁹ Sui ṉa ta na ṉa lo? Kera falea lau boo iburiana sulia ade garo la ki, maakwalia kwalafa eri na kera alaṉai nia si do eri ifana; ma kera alua fasi angel ki keka falea ana abana wane ni fofolo la.

²⁰ Ma wane ni fofolo la do uria ta tee nonii wane e ai; sui tee tha God naa.

²¹ Sui ṉa lo na maalimae asi alaṉaia tha God? Si do ka ai neri: sulaania mada sa kera falea ta lo ne talaana faamaruki lana imole, kokoto la e lae mamana bomai ana ṉa lo.

²² Ma kekeda la abu eri e suusia si do ki sui bana i la lokafu ana abula taa la, fasi alaṉaia eri ana fitoona lana tha Jesus Christ keki tona falea ifana toa eki na kera fitoo.

²³ Sui si maṉa na fitooa e ai si fula u, kera nanai kulu ana ṉa lo, kera suusi kulu i la lokafu maakwalia fitooa eri ne to fasi keki fatai nia iburi.

²⁴ Adedea ṉa lo na ṉa wane ni beta la sulia wela, ne tole kulu isatha Christ, fasi keka ala fafia kokoto la kulu ana fitooa.

²⁵ Ma sui si maṉa eri na ṉa fitooa e fula naa, kusi roo naa sulia wane ni beta la sulia wela.

²⁶ Uria ni kamulua sui boo kaluwane tha God ki, uria fitooa, atha Christ Jesus.

²⁷ Sulaania kamulua sui bana, toa na kera babataesi kamulua ana thatana tha Christ, mulu tooni kamulua naa atha Christ.

²⁸ E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

²⁹ Ma mada sa ni kamulua do tha Christ ki, kamulua kwalafana tha Aberahamo, na muki ṉalia ta si asi do na kera alaṉai nia iana.