Galesia 1 - Ṉa Alaofua Falu 1923 1949

¹ Polo, ṉa aposela (aposela wane ki e ai, ma sulia wane ki ka ai lau boo, atha Jesus Christ ana, ma tha God na Maka, ne tataea faisia toa mae ki),

² Ma baree wai doorana eki sui boo na kera to bi nau, isana figua eki nai Galesia:

³ Lea la iamulua ma enenoa ita atha God na Maka, ma ṉa Lord kulu tha Jesus Christ,

⁴ Ne alamatai nia uria abula taa la kulu ki, fasi kai faamaruki kulu faisia si maṉa eri ne taa, sulia si do nia e thathamia ne God kulu ma Maka kulu:

⁵ Keki fare inoto ani nia toto si sui. Emeni.

⁶ Nau ku kwele na muka lae fofoa una eri faisi nia ne aili kamulua mai ana lea la tha Christ uria ta si faaroṉoa lea ne eeta;

⁷ Ma ta si faaroṉoa lea eeta lau e ai neri: tei toa kera sore kamulua, ma kera thathamii bulasia si faaroṉoa lea tha Christ kai eeta.

⁸ Sui boro sa ni kamilia mena, mado tee angel i thalo mai, kai ṉata sulia ta si faaroṉoa lea isamulua ne eeta faisia si faaroṉoa lea na mili ṉata sulia isamulua na ba, ku thathamia taa la kai to fafi nia.

⁹ Talafana mili sosorea totonao na ba, alafana ku sorea lau si maṉa eri, Mada sa ta wane kai ṉata sulia ta si faaroṉoa lea isamulua ne eeta faisia si do eri na mulu ṉalia naa, ku thathamia taa la kai to fafia wane eri.

¹⁰ Sulaania wane ki neri na nau ku thathamia keki ala fafi nau, mado tha God? mado wane ki neri na nau ku thathamii faalea kera? mada sa ku faalea wane ki ka fula asi maṉa eri, nau wane ni ra tha Christ e ai.

¹¹ Ma nau ku faaroṉo kamulua muki thaitoomana, doora kera, sulia si faaroṉoa lea na nau ku ṉata sulia, na do ita mai ana wane e ai neri.

¹² Sulaania e ai kwasi ṉalia ana wane, bia wane e ai si tooa isaku, si do na tha Jesus Christ e fatai nia isaku neri.

¹³ Uria na mulu roṉoa abula laku dini mai inao asi do Ju ki kera faamamanea, na nau ku tona ilamatai nia faamau figua tha God, ma ku labatania:

¹⁴ Ma asi do eri na Ju ki kera faamamanea nau ku inoto ka tatha ana toa oro ana unii wane nau ana kulee toa nau, uria nau ku seemabe faamau ka tatha uria si ṉata maka nau nai nao ki.

¹⁵ Sui si maṉa na tha God, ne fili nau ania, ita mai asi maṉa ku fula mai ana rakena thainaku, me aili nau mai ana lea la nia,

¹⁶ E thathamii fatai nia Kaluwane nia i ruruuku, fasi kwa ṉata suli nia i maalutana Jenetaele ki; si maṉa eri u boo e ai kwasi ṉata bia imole ana marikobia abu.

¹⁷ Bia e ai kwasi tae uri Jerusalema isana toa eki na kera aposela ki totonao: ku lae akua uri Arebia; ma sui ruana kwa oli lau uri Damasikasi.

¹⁸ Sui ulu fa ṉali e sui, kwa bii tae uri Jerusalema, lae kwa makelea tha Pita, ma ku to isana sulia tee tafulu fa boṉi ma lima fa boṉi.

¹⁹ Ma ta wane lau ana aposela eki e ai kwasi rikia, talitoona bana tha Jemesi doorana ṉa Lord.

²⁰ Ma sulia si do eki na nau ku keda kau isamulua, rikia fasi, inaofatha God, nau kwasi lole.

²¹ Sui iburiana ku fula i la fanua i Siria ma i Silisia.

²² Ma figua eki nai Judia na ni atha Christ kesi rikia u maaku fasi keka thaitoomaku:

²³ Talitoona bana roṉo lana una eri na kera roṉoa, Wane ba ne tona ililamatai kulu ka ṉata si maṉa eri sulia si do eki na kulu fitoona, si do eki boo na ra nia totonao na sa kai labatania na ba;

²⁴ Ma kera taṉoa tha God ani nau.