Luke 3 - To'abaita Scripture NT

Tha Jon 'e fa'arongoa imole ki keka kwaima'akwali ma'asia fulalana Kraest

¹ 'Ana taafulu ma limafa ngali na tha Taebirias 'e Sisa, tha Pontias Paelat ka 'inoto faafia Jiudia, ma tha Herod ka 'inoto faafia 'i Galili, ma tha Filip na do'orana ka 'inoto faafia 'i 'Iturea bia 'i Trakonaetis, ma tha Lisanias ka 'inoto faafia 'i Abilin.

² Si manga 'eri la'u bo'o tha 'Anas ma tha Kaeafas keero'a Aofia ni fo'a 'i Jerusalem, ba'elana tha God ka fula mai sana tha Jon kaluwane tha Sakaraea, si manga 'e too 'i laa na fanua kwasi.

³ Ma Jon ka lae 'i laa na fanua ki na too kaakalia kafo 'eri 'i Jodan, maka fa'ataloa si fa'arongoa sulia manata akelelaa fasia ta'alaa kera ki, fasi keka babtaesi, fasia tha God ka manatalubea ta'alaa kera ki.

⁴ 'E 'uria si ba'ea ki 'i laa buka tha profet 'Aesaea 'e kedaa 'una 'eri, “Lingana te'e wane 'e 'ai 'i laa na fanua kwasi ka 'una 'eri, ‘kwaithathai 'ana tala ma'asia tha Lord! Muka kokotoa tala 'i fana!

⁵ Muka fa'afungua kurua ki, ma muka demasia tolo ki ma fa ua ki. Muka 'olosia tala keeke'o ki, ma muka dolofia tala ki na 'e kwarula.

⁶ Ma imole ki sui keki rikia na tha God kai fa'amaruki kera.’ ”

⁷ Imole 'oro ki kera lae mai sana tha Jon fasi keka babtaes. Ma tha Jon ka ba'e 'una 'eri fada, “Kamalu'a na ba'ekwa tolo ki ne'e! Tei na fa'arongo kamalu'a na muka thaka fasia na kwaakwa'ea tha God na kai fula?.

⁸ Muka ilia doo ki na 'e faatania mulu manata oli na'a fasia abulata'alaa kamalu'a ki! Ma a'i musi manata 'una 'eri 'i laa na liomulu'a, ‘Kamali'a wane mili futa mai 'ana kwalafaa tha Abraham ki ne'e, 'e 'afeta'i ta kwaakwa'ea fasia tha God kai fulato'omali'a.’ Ku fa'arongo kamalu'a, 'e kwaiakura bana fana tha God kai ngalia fau ne'e ki, maka thaungania bana kwalafana tha Abraham fasida!

⁹ Na kiikila 'e ni na'a 'aena 'ai ki sui, na 'ai ki na a'i si fungu 'ana fo'edoo na 'e le'a ki, keki kasida ma keki 'uu 'anida 'i laa na era.”

¹⁰ Imole 'eki keka soeto'ona tha Jon keka 'una 'eri, “Sui 'una 'eri, taa 'ana na miki ilia?”

¹¹ Ma nia 'e lu'uda ka 'una 'eri, “Tei bana na too 'ana ta roo si maku, 'oki falea ruana fana ta wane na si too 'ana ta si doo. Ma laalae ta wane na 'e too 'ana fanga, 'oki tolingia bia ta wane na a'i si too 'ana ta si fanga.”

¹² Tei wane ki na raa kera keki koni malefo fana takisi, kera fula la'u bo'o mai ura babataesilaa, ma keka soeto'ona, keka 'una 'eri, “Wane ni kwaifa'amanatai 'ae, taa na miki ilia?”

¹³ Ma tha Jon 'e lu'uda ka 'una 'eri, “Muka konia bamalu'a si malefo na tala'ana si malefo na biibirangaa 'e gani uria, 'e a'i musi gani ka talua la'u si malefo 'eri.”

¹⁴ Ma tei wane 'ana firua ki, keka soeto'ona la'u bo'o keka 'una 'eri, “Ma kamali'a 'ufita, taa na miki ilia?” Ma nia ka ba'e 'una 'eri 'i fada, “Musi su'ungania ta wane ura falelana malefo famalu'a. Ma a'i musi lole faafia ta wane. Ma manatamalu'a kai eneno'a bana sana malefo na kera usi kamalu'a 'ania.”

¹⁵ Na imole ki na kera lio ma'etala ma'asia fulalana mai nga Kraest ba, manatada ka rofe, keka fiia 'ada tha Jon na'a to'o nga Kraest ba neri.

¹⁶ Sui, tha Jon ka lu'uda ka 'una 'eri, “Nau ku baptaesim kamalu'a 'ana kafo, ma wane na kai fula mai na 'e ba'ita ka talu nau. Ma nau mena kwasi tala'ana lukelana sadolo nia ki. Ma nia kai baptaesim kamalu'a 'ana Ano'edoo Abu ma 'ana era.

¹⁷ Nia 'e ra'u 'ana si thakwe 'ai na sokara 'e nii gwauna, uria na kai ukalia na mige'e wit fasia na 'ungana, ma kai ofua mige'e doo 'eki 'i laa na biu ni alu doo nia ki. Sui ka na'area na 'ungana wit 'eki laa na era na 'e tharu, ma tootoo si mae.”

¹⁸ Ma tha Jon ka ngata sulia si Fa'arongoa le'a 'eri 'i sada 'ana si omale'ewane 'oro ki, ma nia ka ngata fiifii 'i sada fasi keka taalaa birangada.

¹⁹ Sui tha Jon 'e ngatafia tha Herod na wane'inoto 'eri, sulia tha Herod 'e folia ni Herodias, kuke'e do'orana tha Filip. Ma nia ka ilia doo ta'a 'oro ki la'u bo'o.

²⁰ Ma ka safua la'u si doo 'eki sui, tha Herod ka fono faafia tha Jon 'i laa lo'okafo.

Tha Jisas 'e babtaesi

²¹ Si manga na imole 'oro ki kera babtaesi, tha Jisas ka babtaesi la'u bo'o. Ma si manga nia 'e fo'a, na lofothalo ka 'ifi,

²² ma Ano'edoo Abu ka sifo mai faafi nia mala ta fa bola. Ma si linge'edoo fasia 'i thalo loo ka 'una 'eri, “'oe na kaluwane liiliothaua nau. Ku se'ethaathala 'asia na'a suli 'oe.”

Na talisibaraa sulia kwalafaa tha Jisas

²³ Si manga Jisas 'e fula na'a 'ana ulu taafulu fa ngali, nia ka thafalia na'a raa nia. Ma imole ki sui keka sosa 'ada nia wela tha Josef, Tha Josef kaluwane tha Hilae,

²⁴ Hilae kaluwane tha Matthat, Matthat kaluwane tha Lifae, Lifae kaluwane tha Melkae, Melkae kaluwane tha Janae, Janae kaluwane tha Josef.

²⁵ Josef kaluwane tha Matathaeas, tha Matathaeas kaluwane tha 'Emos, tha 'Emos kaluwane tha Neham, tha Neham Kaluwane tha 'Esla, tha 'Esla kaluwane tha Nagae.

²⁶ Tha Nagae kaluwane tha Maath, tha Maath kaluwane tha Matathaeas, tha Matathaeas kaluwane tha Semein, tha Semein kaluwane tha Josek, tha Josek kaluwane tha Joda.

²⁷ Tha Joda kaluwane tha Joanan, tha Joanan kaluwane tha Risa, tha Risa kaluwane tha Serababel, tha Serababel kaluwane tha Sialtiel, tha Sialtiel kaluwane tha Nirae.

²⁸ Tha Nirae kaluwane tha Melkae, tha Melkae kaluwane tha 'Adae, tha 'Adae kaluwane tha Kosam, tha Kosam kaluwane tha 'Elmadam, tha 'Elmadam kaluwane tha Era.

²⁹ Tha Era kaluwane tha Josua, tha Josua kaluwane tha 'Eliesa, tha 'Eliesa kaluwane tha Jorim, tha Jorim kaluwane tha Mathat, tha Mathat kaluwane tha Lifae.

³⁰ Tha Lifae kaluwane tha Simion, tha Simion kaluwane tha Jiuda, tha Jiuda kaluwane tha Josef, tha Josef kaluwane tha Jonam, tha Jonam 'e futa 'atha 'Elaeakim.

³¹ Tha 'Elaeakim kaluwane tha Milia, tha Milia kaluwane tha Mena, tha Mena kaluwane tha Matatha, tha Matatha kaluwane tha Nethan, tha Nethan kaluwane tha Deved na wane 'inoto.

³² Tha Deved na kaluwane tha Jesi, tha Jesi kaluwane tha 'Obed, tha 'Obed kaluwane tha Boas, tha Boas kaluwane tha Salmon, tha Salmon kaluwane tha Nason.

³³ Tha Nason kaluwane tha 'Aminadab, tha 'Aminadab kaluwane tha 'Admin, tha 'Admin kaluwane tha 'Anae, tha 'Anae kaluwane tha Hesron, tha Hesron kaluwane tha Peres, tha Peres kaluwane tha Jiuda.

³⁴ Tha Jiuda kaluwane tha Jakob, tha Jakob kaluwane tha 'Aesak, tha 'Aesak kaluwane tha 'Abraham, tha 'Abraham kaluwane tha Tera, tha Tera kaluwnae tha Neho.

³⁵ Tha kaluwane tha Sirag, tha Sirag kaluwane tha Riu, tha Riu kaluwane tha Pileg, tha Pileg kaluwane tha 'Eba, tha 'Eba kaluwane tha Sela.

³⁶ Tha Sela kaluwane tha Keinan, tha Keinan kaluwane tha 'Afaksad, tha 'Afaksad kaluwane tha Sem, tha Sem kaluwane tha Noa, tha Noa kaluwane tha Lamek.

³⁷ Tha Lamek kaluwane tha Methusala, tha Methusala kaluwane tha 'Inok, tha 'Inok kaluwane tha Jered, tha Jered kaluwane tha Mahelalel, tha Mahelalel kaluwane tha Kenan.

³⁸ Tha Kenan kaluwane tha 'Inos, tha 'Inos kaluwane tha Seth, tha Seth kaluwane tha Adam, kaluwane tha God.